Skip to main content

Vittup Danmark Issittumi Siunnersuisoqatigiinnit anisikkusukkaa

Nunanut allanut tunngasunut naalakkersuisoq, Vittus Qujaukitsoq ulluni makkunani sakkortuunik oqariartuuteqaqattaarpoq. Maannalu AG-mi saqqummerpoq

Maanna Amerikamiut sakkutooqarfiini sakkutooqarfigisimasaanilu apeqqummut tunngatillugu Danmark makitaniartutut pissusilersortoq, Vittus Qujaukitsup ippassaq Politikenimut oqaatigaa. Saniatigullu Kalaallit Nunaat Amerikamiut Pituffimmiinnerannit pissarsiaqarnerulissanngippat, anisinniarlugit sioraasaarivoq.

Atuaruk: Vittup Danmark USA-lu sioorasaarpai

Maanna aamma alla akerleriissutaasoq pillugu oqariartuuteqarpoq, tassa Issittumi Siunnersuisoqatigiit.

Issittumi siunnersuisoqatigiit assersuutissaat ilagaat ukiuni kingullerni qanoq aaqqiagiinnginnermik pilersitsisoqarsinnaanersoq pinqartillugu; 2013-imi peruttulerami taamanikkut Naalakkersuisunut siulittaasup Aleqa Hammondip siunnersuisooqatigiit orniguffiginiarnagit aalajangerpaa.

Atuaruk: Vittus pillugu Løkke ernumassuteqanngitsoq

Aamma Vittus Qujaukitsup siunnersuisoqatigiinni ullumikkut Kalaallit Nunaata inissisimanera apeqquserpaa:

- Ullumikkut siunissamilu nunat tamat akornanni suleqatigiinnermi Kalaallit Nunaata peqataanerani pingaarnerpaapput atugassat aalajangiunneqartut, taakkumi aamma malinneqartussaallutillu ataqqineqartussaapput, Vittus Qujaukitsoq oqarpoq

Atuaruk: Issittumi suleqatigiinneq isornartorsioraa

- Maannakkut atugassarititaasut 2009-mi namminersorneq pillugu inatsimmi akuersissutigineqartut malillugit Kalaallit Nunaat saqqummernissaminut nunat tamat akornanni annertuumik pisinnaatitaaffeqarpoq. Taamaalilluni Kalaallit Nunaat suliassaqarfinni akisussaaffigineqalersimasuni tamakkiisumik nittarsaassinanavoq.

Atuaruk: Vittus uummaarissumik oqallitsitsisoq

- Issittumili suleqatigiinnermi 2011-mi atugassatigut taakkunatigut annertuumik allanngortoqarsimasoq Kalaallit Nunaata, Danmarkip Savalimmiullu akornanni issittumi periusissamik akuersissuteqartoqarsimammat, taannalu atorneqartarpoq Issittumi siunnersuisoqatigiinni aalajangikkat imarisallu nunat taakku pingasut akornanni isumaqatigiinniutigineqaleraangata, naak Kalaallit Nunaat kisimiillu naalagaaffeqatigiinni issittumiikkaluartoq. Tamanna naammaginanngilluinnarpoq, Vittus Qujaukitsoq oqarpoq itisiliillunilu:

Atuaruk: Namminiilivinneq ima aningaasalersorneqassaaq

- Suliassaqarfinni Issittumi siunnersusooqatigiinni piginnaasat pineqartut qallunaanit pigineqartillugit pissusissamisoorsinnaavoq qallunaat kalaallillu peqataanissaat.

- Namminersornerli pillugu inatsimmi suliassaqarfiillu ullumikkut akisussaaffigineqalereersimasut pineqartillugit Issittumi siunnersuisooqatigiinni kalaallit piginnaasaqarfii kisingajammik oqaluuserineqartarput. 

Atuaruk: Konservative: Oqariartuut nuanninngitsoq

Vittus Qujaukitsoq isumaqarpoq siunnersuisooqatigiit ataatsimiinneranni Danmarkip peqataasarnera taamaatikkiartortoq:

- Suliassaqarfiit sinneruttut kalaallinit akisussaaffigineqalersarnerat ilutigalugu Danmarkip siunnersuisooqatigiinni peqataasariaqarneranut tunngavissaqarnersoq takujuminaatsippara, erseqqissaavoq. 

Vittus Qujaukitsoq pillugu AG-mi naqinneqaqqammersumi atuaqqigit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER