oqallinneq

Vittus uummaarissumik oqallitsitsisoq

Vittus Qujaukitsup malunnartumik oqariartuutai Nunatsinni aamma Danmarkimi amerlasuunik qisuariartitsipput

Vittus Qujaukitsoq

Vittus Qujaukitsup Politikenimut oqaatigisai oqallinnermik pilersitsinissamik siunertaqarpata, taava oqartoqarsinnaavoq: Anguniakkani iluatsippaa.

Atuaruk: Vittusip Danmark USA-lu sioorasaarpai

Nittartakkatigut attaveqaqatigiittarfinni apersorneqarnera uummaarissumik oqallisigineqarpoq, uanilu Sermitsiaq.AG-mi oqallikkusussuseq aamma annertuvoq. Danmarkimi Ekstra Bladetip nittartagaa ingammik oqalliffiuvoq.

Atuaruk: Vittus pillugu Løkke ernumassuteqanngitsoq

Nunatsinnilu Danmarkimilu assigiinngitsut
Taamaattorli oqallinnerni Nunatsinni aamma Danmarkimi assigiinngissutit ersaripput. Kalaallit oqallinnerat marlunnut avinneqarsinnaavoq, tassa oqariartorneq silatusaarnerunngitsutut isumaqartut aamma nipituumik oqariartuuteqartoqarneranik kiisami piffissanngornerarlugu isumaqartut.

Atuaruk: Namminiilivinneq ima aningaasalersorneqassaaq

Folketingimi politikeri Aleqa Hammond oqallittuni taakkartorneqartuni kingullernut ilaavoq. Demokraatini siulittaasuusimasoq, Jens B. Frederiksen aamma Siumumi politikeri Per Berthelsen siullernut taakkartorneqartunut akuupput.

Atuaruk: Konservative: Oqariartuut nuanninngitsoq

'Kalaallit Nunaat pinngitsoorumaneruara'
Ekstra Bladetip nittartagaani suliaq oqallitsitserujussuarpoq. Kalaallit Nunaat naalagaaffeqatigiinnermit anissappat, oqiliallaataassasoq arlallit oqariartuutigaat.

- Nammineq Kalaallit Nunaat maqaasinavianngilara. Immaqa aamma illoqarfitsinni nunaqqatitik imerajuttut ilanngullugit angerlaatissavaat, oqaaseqaatit tamakku takussaapput, una oqalliseqataasumit Wendelboenimik imminut taasumit issuagaavoq.

Atuaruk: Issittumi suleqatigiinneq isornartorsioraa

Danskit ilisimasorinerusut
Vittus Qujaukitsulli issummersuutaanut ataaseq paasinnippoq. Naqitsineq illuanut naqitsinermik pilersitsisartoq, oqalliseqataasoq 'ruth w' isumaqarpoq.

- Allanngortinneqarsinnaasut amerlapput, kisianni namminersorneq isumaqarpoq, kalaallit aqqummik namminerminnut ajunngitsumik nassaarniartussaasut, illuanik uagut danskit ilisimanerusorisugut kissaatitsinnik pisussaanngillat, taanna allappoq.

Oqallinnermit tigulaakkat uani ataani takusinnaavatit

Powered by Labrador CMS