oqallinneq
Konservative: Oqariartuut nuanninngitsoq
Konservativit Nunarput pillugu oqaaseqartartuata Rasmus Jarlovip, Vittus Qujaukitsup oqaatigisai 'eqqumiinnerarpai'
Danskit politikeriini siulliit ilaanniilluni Konservativineersup Rasmus Jarlovip, Vittus Qujaukitsup ullumi Politikenimi oqaatigisaanut isumaqataanani oqariartuuteqarpoq.
- Kalaallit Namminersorlutik Oqartussaqarfianit oqariartuut nuanninngitsoq, Rasmus Jarlov (K) Facebookimi quppernermini allappoq.
Atuaruk: Vittusip Danmark USA-lu sioorasaarpai
Aalisarnermut politikki
Taassuma Politikenip aperesuinerani Jyllands-Postenip issuaanera ingerlateqqippaa. Tassunga atatillugu allaqqippoq:
- Danmarkip Kalaallit Nunaat nunanut allanut tunngasunut politikkimi qalliinnarnianngilaa.
- Danskit naalakkersuisuisa assersuutigalugu aalisarnermi isumaqatiginninniarnermi Kalaallit Nunaata soqutigisaat suliarinissaat kisiat soqutigisaraat, Konservativit nunarput aamma illersornissaq pillugu oqaaseqartartuat isumaqarpoq.
Atuaruk: Danskit politikerit oqaaseqarumanngitsut
'Tamakkiisumik akikilliliineq'
Taassuma aamma Kalaallit Nunaat Amerikamiunit aningaasassaraluaminik peqqusersusaarfigineqarnermut oqaaseqarnera 'eqqumiinnerarpaa'.
- Kalaallit Nunaat Illersornissamut tapiinngilluinnarpoq, sakkutuujusussaanermulluunniit piumasaqarfigineqanngillat, taanna allappoq.
Atuaruk: Namminiilivinneq ima aningaasalersorneqassaaq
- Taamaamaat Kalallit Nunaat pillugu Danmark illersornissamut aningaasartuutinut akikillisaavigineqarneranik kalaallit politikerii oqaluleraangata, Kalaallit Nunaat nammineq tamakkiisumik akikilliliivigineqartarnera ilisimaneqartariaqarpoq, Konservativineersoq taama oqarpoq.