Skip to main content

Tunillatsissimasoq Nuummi nassaarineqarpoq - timmisartoqataasimasut angerlarsimaannaqquneqarput

Tunillatsissimasoq ataaseq Nuummi nassaarineqarpoq. Tunillatsissimasoq Upernavimmi tunillaassuuttoqarneranut attuumassuteqarpoq, tunillatsissimanerminilli suli paasisaqartigani Upernavimmiit Nuummut angalasimalluni, nakorsaaneqarfik ilisimatitsivoq.

Covid-19-imik tunillatsissimasoq aamma ataaseq arfininngornermi-imik paasineqarpoq.  Pineqartoq Upernavimmi tuniluunnermik ilisimaneqareersumik tunillanneqarsimavoq taannalu kingorna Nuummut aallarsimavoq tunillanneqarsimanini ilisimanagu. Nunatsinni tunillatsissimasut maanna 31-upput. Taakkunannga sisamat Upernavimmiipput, sulilu marluk Upernavimmi tuniluunnermut attuumassuteqarlutik, maannali Nuummiillutik.

Tunillatsissimasoq nutaaq timmisartumik angalasimammat Upernavimmiit angalaqataasut angerlarsimaannaqquneqarput misissoqquneqarlutillu.

Angalaffiit uku pineqarput:

  • 20/7-2021 GL 205 Upernavimmiit Ilulissanukartumut
  • 21/7-2021 GL 513 Ilulissaniit Kangerlussuaq aqqusaarlugu Nuummukartumut

- Timmisartuni taaneqartuni angalasimasut tamarmik angerlarsimaannarnissaannik kaammattorneqarput aamma tunillanneqarsimanermiit ullut 7-issaanni imaluunniit ullut taakku sioqqullugit ersiutaasunik malugisaqarsimagunik misissortinnissaannik, nakorsaaneqarfimmit tusagassiorfinnut nalunaaruteqarluni kaammattuutigineqarpoq.

Tasiusami misissuinerit

Upernavimmi tunillatsissimasunik paasisaqartoqareersorlu kaffellernerni peqataasimasut angerlarsimaannaqquneqalerput misissorneqartussanngorlutillu.

LÆS OGSÅ: Upernavik Tasiusarlu: Kaffesoriarsimasut mattusimaqquneqarput

Tasiusami arfininngornermi aamma misissuisoqarpoq, tunillatsissimasormi tunillatsissimanerminik suli paasisaqartigani nunaqarfimmiissimammat.

- Tasiusami innuttaasut 148-t arfininngornermi misissorneqarput. Innuttaasunit taakkunannga arfinillit ersiuteqarsimappput, taamaattumillu PCR-imik tapertalerluni, sukkanerusumik paasissutissiisinnaasunik, misissorneqarput. Taakku tamarmik negativiupput, nakorsaaneqarfik allappoq.

PCR atorlugu misissuutit Ilulissanut ullumi nassiunneqassapput, Upernavimmi misissuinermut atortut naammanngimmata. Üpernavimmi Ilulissanilu misissuinermut atatillugu suligasuartut nakorsaaneqarfiup qutsavigai.

Upernavimmi misissuinissat

Upernavimmi innuttaasut tunillatsissimanermut ersiuteqartut angerlarsimaannaqquneqarput, misissortinnissarlu pillugu peqqinnissaqarfimmut nalunaaqquneqarlutik uunga tlf. 96 49 13.

- Misissugassat Ilulissanut ingerlateqqinneqartussapput, taamaammat akissutisinissaq sivisunerulaarsinnaavoq. Taamaattumik mianersoqqissaarnissaq pingaartuuvoq. Upernavimmi misissukkanit misissuinermit ersersinneqarpoq, qanimut attavigineqartut negativiusut amerlanerpaataat akiuussutissamik tunineqarsimasuusut. Upernavimmi innuttaasuni tunillatsittut kingulliit pingsuugaangata marluk akiuussutissinneqarsimasuunngillat, nakorsaaneqarfik ilisimatitsivoq.

LÆS OGSÅ: Akiuussusersorneqarpianngitsuni tunillatsissimasoqartoq

Avannaani qitiusumik peqqinnissaqarfiup kisitsisaatai naapertorlugit Upernavimmi innuttaasut tallimaagaangata ataaseq suli kapitissimasanngilaq.

Oqartussat innersuussipput:

  • Ersiuteqaruit tunillanneqarsimasumulluunniit attaveqarsimaguit angerlarsimagit
  • Assatit asakulakkit imaluunniit assanut sprit atortuk.
  • Tangajoruit quersoruilluunniit talinnik asseruk.
  • Assamminnerit, ersakkut kuninnerit pakkunnerillu pinaveersaakkit – timikkut allamut attuisarneq killileruk.
  • Eqqiluisaarneq eqqumaffigiuk - angerlarsimaffimmi aammali suliffinni.
  • Qanillinaveersaarit allallu taamatut ilioqqullugit.
LÆS OGSÅ: Aqunneqarsinnaanngitsumik tunillaassuuttoqarnissaa Naalakkersuisut aarlerigigaat
Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER