Skip to main content

Akiuussusersorneqarpianngitsuni tunillatsissimasoqartoq

Upernavimmi inersimasut tallimaagaangata ataaseq aamma Tasiusami inersimasut pingasuugaangata ataaseq coronavirusimut akiuussutissalertissimasanngilaq. Upernavimmi maanna ataatsimik tunillatsissimasoqarpoq, taannalu napparsimalinngitsiarnermini Tasiusamiissimavoq.

Tunillatsissimasoq ataaseq Upernavimmi ippassaq paasineqarpoq. Tunillatsissimasup qanillisimasaasa misissorneqarnissaat oqartussanit maanna sulissutigineqarpoq. Tasiusami innuttaasut sapaatip akunnerata naanerani misissorneqassapput, tunillatsissimasoq napparsimalinngitsiarnermini nunaqarfimmiissimammat.

LÆS OGSÅ: Covid-19: Tunillatsissimasut marluk - Upernavimmi Qaqortumilu

Tallimanngornermi nalunaarutigineqarpoq tunillatsissimasoq alla ataaseq aamma Upernavimmi tunillatsissimasinnaasoq, kingornalu Nuummut angalalluni. Taamaammat aqqutini pingasuni angalaqataasut maanna mattusimanissamik misissorneqarnissamillu kaammattuiffigineqarput.

LÆS OGSÅ: Tunillatsissimasut amerlanerit - timmisartumik ilaasimasut mattusimasussanngorput

Aarlerinaateqarsinnaasoq tassaavoq, oqartussanit ilisimaneqanngimmat Upernavimmi tunillatsissimasoq qanoq ililluni tunillatsissimasinnaanersoq.

- Tunillatsissimanera sumi pisimanersoq maannakkuugallartoq ilisimaneqanngilaq, corona pillugu suliaqartut sisamanngornermi ualikkut ilisimatitsipput.

Akiuussusertikkumanngitsut amerlasut

Upernavimmi nunaqarfiinilu akiuussutissalertikkumanngitsut amerlaneri pillugit oqartussat ernumallutik oqaaseqareernikuupput.

Avannaani qitiusumik peqqinnissaqarfimmit kisitsisit takutippaat Upernavimmi innuttaasut 18-ileereersimasuni tallimaagaangata ataaseq, aamma Tasiusami innuttaasut 18-ileereersimasuni pingasuugaangata ataaseq suli akiuussutissalertissimanngitsoq.

Upernavimmi inersimasuni 20,8 procentit aamma Tasiusami inersimasuni 32,8 procentit akiuussutissamik neqeroortoqarmat kapitissimanngillat.

Akiuussutissalertikkumallunilu kissaatigilersimagaanni sumiiffimmi imaaliallaannaq kapitikkiartortoqarsinnaanngilaq.

- Neqeroortoqartillugu akiuussutissalertikkiartoraanni iluatsitsinerpaaffiusinnaavoq. Neqeroorummik piffissaatillugu tigusisimmangitsut, kingusinnerusukkulli kapitikkumalersut pillugit immikkut sulisariaqartarpugut. Akiuussutissanik pissarsiniartoqartariaqarpoq, kapuuisussanik aallartitsisariaqarpugut, kingornalu nakkutiginnittussanik aamma peqartariaqarluta. Nukiit allanut atorsinnaasaraluagut taamaalilluta immikkut atortariaqalertarpagut - soorlu napparsimasunut ikiortariaqartunullu atugassaraluagut, Peter Vedsted, Avannaata Kommuniani nakorsanut aqutsisoq Sermitsiaq.AG-mut oqarpoq.

Immikkut akiuussutissalersuiartorneq

Upernavimmi nunaqarfiinilu akiuussutissamut neqeroortoqarnerani siullermi akuersisimasut amerlannginnerat pillugu, amerlanerusullu kapitinnissaat anguniarlugu juunip qiteqqunnerani immikkut ittumik akiuussutissalersuiartortoqaqqippoq. Peter Vedsted ilisimatitsivoq ullormi immikkut akiuussutissalersuinermi Upernavimmi innuttaasut 180-it kapitikkiartorsimasut.

Upernavimmi innuttaasut 18-ileereersimasut 838-iupput, Tasiusamilu innuttaasut 18-ileereersimasut 180-iullutik.

Nuna tamakkerlugu ammasumik akiuussutissalersuinissamut peqqinnissaqarfik maanna suliaqaleruttorpoq. Akiuussutissalersuinissamut pilersaarutit naammassippata corona pillugu suliaqartut nittartagaanni saqqummiunneqassapput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER