Skip to main content

Sangusaartartut aputeqarluarnissaat neriuutigaat

Aputikinnera pissutigalugu sangusaartartut tamakkiisumik Arctic Winter Gamesimut sungiusarnissamik ajornakusoortitsisimapput

Kalaallit sangusaartartut Arctic Winter Gamesip tungaanut sungiusarnermut atugassarititaa pitsaanerpaanngillat. Nuummi aputikilliornera ajornartorsiortitsivoq.

Kisianni nunanut allanut unammisartunut sungiusaasoq Tupaarnaq Kreutzmann, sisupiloortartut issittumi unammiuaartoqarnerani pitsaanerpaamik ingerlanissaannut isumalluarpoq.

Atuaruk: Nerrivimmi arsaarartartut sungiusaasuat medaaliannaqattaarnissamik naatsorsuuteqartoq

Medaaliannakkusuttut
- Naak snowboardeqalernikuugaluartoq freestyleqalernikuugaluartorlu, aamma sangusaartartut ilaasortaat ikilinikuugaluartut, AWG-imi peqataasut aqqanillit sapinngisartik tamaat pissasut qularinngivippara. Peqataatitagummi nukittoorujussuupput, taanna oqarpoq.

Atuaruk: Volleyballertartut inuusuttunik arsartoqassapput

Nunanut allanut unammisartunulli sungiusaasup, Arctic Winter Gamesimi angusarissaarnissamut piumasaqaatit suunissaat oqaatigisinnaannginnerarpaa, unammisassat pisinnaasaannut ilisimasai killeqarmata.

- Kisianni soorunami sangusaarnermi medaaliat amerlanerpaat pissarsiariniarsarissavagut, taanna erseqqissaavoq.

Atuaruk: Sungiusaasoq: Ujakkaartartut AWG-imi tamaviaassapput

Sungiusarnermi atukkat
- Qeqertarsuarmit peqataasussat pinnagit, peqataasussat sungiusarnermi atugaat killeqarput. Kisianni qanoq pisoqaraluarpalluunniit sisupiloortartut tulluusimaarutigissavakka, Tupaarnaq Kreutzmann oqarpoq.

- Aputikilliorneq ajornartorsiutitut takorusunngilarput, tassami allanngortissinnaanngilarput. Qiimavugut, aamma Arctic Winter Gamesimut piareerpugut, sungiusaasoq oqarpoq.

Atuaruk: AWG-mi nalinginnaasumik aputeqarnissaanut DMI neriuuteqartitsivoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER