Sungiusaasoq: Ujakkaartartut AWG-imi tamaviaassapput

Arctic Winter Gamesip ilisimaneqartutut Nuummi pisussap, ammaanersiornissaanut ullut sisamaannanngorput.

Illoqarfiit pingaarnersaanni aput ujakkaartartunut ajornartorsiortitsinikuuvoq, kisianni nunanut allanut unammisartunut sungiusaasup, Øystein Slettemarkip, tamanna ajornartosiutit annersarisimanngikkaat ilisimatitsissutigaa.

Atuaruk: Kunngissaq Frederik AWG-p ammarneqarneranut peqataassaaq

- Illoqarfinni allani Maniitsumi, Sisimiuni aamma Aasianni aputeqarluarnikuupput. Unammilligassatta annerpaartarisimavaat arpattartut arlallit ukiap ilaani napparsimanikuunerat (nuallutik), kisianni maanna tamarmik aaqqissimalereerput, sungiusaasoq Sermitsiaq.AG-mut oqaluttuarpoq.

Peqataasut piumassusillik
Issittumi unammiuaarnermi Kalaallit Nunaat ujakkaartartunik arfineq-pingasunik peqataatitaqassaaq. Taakku Sisimiuni juullinnginnerani sungiusarlutik katersuupput, Øystein Slettemarkillu takusinnaavaa, arpattartut arlallit siuariaateqarluartut.

- Teknikkip tungaatigut siornatigornit maanna pitsaaneroqaaq. Arctic Winter Gamesit siuliinit peqataasussat ikinnerupput, kisianni tamanna pitsaanerusoq isumaqarpunga, unammisartut piumasusseqarmata, taanna erseqqissaavoq.

Assit takukkit: Nuummi illoqarfiup allagartartaavi aajuku

Unammisassat ilisimanngikkaat
- AWG-mi arpattartut pitsaanerpaaffimminiissasut siunertaraarput, aammalu angusartik pitsaanerpaaq angussagaat, tassanngaanniillu medaaliannattoqassanersoq takujumaarparput.

- Unammisassatta pitsaassusaat ilisimanngilarput, taamaattumik medaalianik sorlernik anguniagaqarnissaq uannut tulluanngilaq. Arpattartut ilaat ukiuni kingullerni sungiusarluarnikuusut nalunngilara, pisinnaasatillu angullugit arpappata naammagaara, Øystein Slettemark oqarpoq.

Atuaruk: Arctic Winter Gamesimi unammiuaarnerit isiginnaarneri tamarmik akeqanngitsut

Unammiuaarnerni kikkut nakkutigissavagut?
- Bjarne Hansen nakkutigissavarsi. Taanna maannamut pitsaanerpaartarisimavarput. Kisianni arpannerni pingaartuni ilaatigut arpattartunik immikkut ajugaarusussuseqartunit tupaallatsitsisoqartarpoq, Slettemark oqarpoq.

Atuaruk: AWG-mi nalinginnaasumik aputeqarnissaanut DMI neriuuteqartitsivoq