AWG-mut piareersarneq
Nerrivimmi arsaarartartut sungiusaasuat medaaliannaqattaarnissamik naatsorsuuteqartoq
Inuusuttunut nerrivimmi arsaarartartunut sungiusaasoq, Niels Nielsen, Arctic Winter Gamesimi peqataasussat aatsaat taama nukittutigisut oqarpoq
- Arctic Winter Gamesimi arfineq-pingasunik kuultinnannissarput anguniarparput.
Inuusuttunut nerrivimmi arsaarartartunut sungiusaasoq, Niels Nielsen Sermitsaq.AG-mut oqarpoq.
Taassumalu saniatigut oqaatigaa, Kalaallit Nunaat aatsaat taama nukittutigisunik sassartitaqalersoq.
- Peqataasut tamarmik pikkorilluinnalernikuupput, inersimasullu naligalugit unammisinnaallutik. Sakkortuumik sungiusarput, ullorissaarunillu Arctic Winter Gamesimi nerrivimmi arsaararnermi kuultit tamaasa pissarsiarisinnaavaat, nunanut allanut unammisartunut sungiusaasoq erseqqissaavoq.
Atuaruk: Volleyballertartut inuusuttunik arsartoqassapput
Imminnut unammilleqatigiittut
Nerrivimmi arsaarartartut ulluni makkunani Sisimiuni sungiusarput, ullormullu pingasoriarlutik sungiusartarput.
- Peqataasut qulit imminnut unammilliinnavipput pikkorinnerulerniarlutik. Arctic Winter Gamesimi kingullermi kuultinnattaagut marluk pitsanngoriarluarnissaat qularutiginngilara, Niels Nielsen oqarpoq.
Piukkunnaateqarluinnartoq
Taassumalu ernini Ivik Nielsen, Danmarkimi efterskolertoq arlalinnik medaaliannannissaa erseqqissaatigaa.
- Taanna aasaq Jerseymi Island Gamesimut peqataavoq, nunatsinnilu angutini inuusuttunilu pissartanngornikuuvoq. Annertuumik taanna naatsorsuuteqarfigaara, Niels Nielsen oqarpoq.
Arctic Winter Games pillugu allaaserisat tamaasa uani atuakkit