Volleyballertartut inuusuttunik arsartoqassapput

Volleyballertartut misilittagaqalerniarlutik Nuummi Arctic Winter Gamesimi peqataassapput, taakkulu Arctic Winter Gamesip tullissaani ukiut marluk qaangiuppata pitsaanerpaaffissartik anguniassavaat.

Volleyballertartut sungiusaasuat Aalipaaraq Kreutzmann Sermitsiaq.AG-mut oqarpoq.

Tassami unammisartut amerlanersaat 16-inik ukioqalissamaarput, unammisassaallu 18-19 akornanni ukioqassapput.

Atuaruk: Sungiusaasoq: Ujakkaartartut AWG-imi tamaviaassapput

Niviarsiarartaqanngitsut
- Maani nunatsinni volleyballertartunik amigaateqarpugut, taamaattumillu Arctic Winter Gamesimut naatsorsuutigut annertutippallaanngilagut. Ukua nukappiaqqat Arctic Winter Gamesip tullissaanut medaaliannanniunnissaannik neriuutigaarput, Aalipaaraq Kreutzmann oqarpoq.

Volleyballertartut kattuffiata ukiuni kingullerni niviarsiaqqanik holdinik pilersitsinissartik ajornakusoortissimavaat, taamaattummillu ukioq manna issittumi unammiuaartoqarnerani nukappiaraannaat peqataassapput. Meeqqalli holdit Nunatsinni amerleriarsimapput.

Atuaruk: Arctic Sportsimi medaaliat amerlasuut anguniaraat

Anguniagaq
Unamisartut qanittukkut sungiusaqatigeeqqammertut Aalipaariaq Kreutzmannip erseqqissaatigaa, taamatullu unamminissanut piariingajalersut.

- Kisianni unammisartut unamminermik misilittakkanik amigaateqarput, taamaattumillu Arctic Winter Gamesimi unammitillutik pissangalersinnaapput. Taamaattorli unammisartut kingullertigut sungiusarsimasatik takutikkunikkit nuannaassaanga, volleyballertartut sungiusaasut oqarpoq.

Arctic Winter Games 2016-imi timersornerit sapaammit marsip arfernannit tallimanngornermut marsip aqqarnata tungaanut ingerlanneqassapput.

Atuaruk: Kunngissaq Frederik AWG-p ammarneqarneranut peqataassaaq