AWG-mut piareersarneq
Arctic Sportsimi medaaliat amerlasuut anguniaraat
Arctic Sportsimi nunanut allanut unammisartunut sungiusaasoq Kim Rosing, angutit Arctic Winter Gameseqarnissaannut annertuumik naatsorsuuteqarpoq
Ukiut marluk matuma siorna Alaskami Fairbanksimi Arctic Winter Gamesimi kingullermi, kalaallit Arctic Sportsimi peqataasut arfineq-pingasunik medaaliannapput.
Issittumi unammiuaarnermi ukioq manna Nunatsinni pisussami, Arctic Sportsimi sungiusaasup medaaliat amerlanerusut pissarsiarineqarnissaat anguniarpaa.
- Angutit Arctic Winter Gamesimut piareersimalluarput, taamaattumik medaaliat pissarsiarisinnaasagut amerlanerpaat anguniarsarissavagut, sungiusaasoq Kim Rosing Sermitsiaq.AG-mut oqarpoq.
Atuaruk: Sungiusaasoq: Ujakkaartartut AWG-imi tamaviaassapput
Arnat aamma inuusuttut piukkunnaatillit
- Unammiuaarnerni arnat pissanganassapput, maannamut qanoq piareersarsimatiginersut ilisimannginnatsigu. Ukiunilu kingullerni piukkunaatilinnik pilersitsinissarput ajornakusoortittaratsigu, Kim Rosing oqarpoq.
Taassuma erseqqissaatigaa, peqataasussat eqqarsartaatsimikkut piareersimasut.
Assit takukkit: One Foot High Kickimi pissartanngorniunnerit
Peqataasut qulit
- Arctic Sports timersuut piumasarpassuaqarpoq. Taamaattumillu peqataassussat eqqarsartaatsimikkut piareersimanissaat suliniutiginikuuarput. Pissanganeq nukimmik taarserneqarsinnaanera sulissutiginikuuarput, Kim Rosing erseqqissaavoq.
Arctic Sportsimi kalaallit qulit peqataassapput, Kim Rosingillu erseqqissaatigaa Nadia Olesen aamma Tonny Fisker, unammiuaarnerni malinnaaviginissaat piukkunnartuusut.
Atuaruk: Kunngissaq Frederik AWG-p ammarneqarneranut peqataassaaq