Skip to main content

Kuupik Qullissanut tikimmat

Naalakkersuisut siulittaasuat taassumalu ilaqutai Qullissanut tikimmata immikkut ittumik tikilluaqquneqarput

Naalakkersuisut siulittaasuat taassumalu ilaqutai aamaruutissarsiorfiusimasumut Qullissanut matusaaneranit ukiut 40't malunnartinneqarneranut atatillugu sisamanngornermi unnukkut tikimmata immikkut ittumik tikilluaqqusisoqarpoq. Sila qulisimalaaraluartpoq seqinnermalli kiattoq Qullissat Ikinngutaani siulersuisunut ilaasortat allallu tikereersimasut tusarnaartoralugit ilaqutariinnut tikittunut oqaaseqatsiarpoq, tamatuma kingorna erinarsoqatigiittoqarpoq ’Nunaga aa nunarsuup avannaani’ atorneqarluni.

Erinarsuutip imaraa Qullissanik maqaasineq taanna pisortanit 1972 matuneqarpoq aamaruutissarsiorfik imminut akilersinnaajunnaarmat. Erinarsuutip inuit misigissusaannik attuipput arlallit qullilissutigisaannik. 

Innuttaasut 1400 pinngitsaalisaallutik sineriammi inoqarfinnut allanut nuutitaapput, ilaatigut naalakkersuisut siulittaasuat taassumalu ilaqutai.

Kuupik Kleist Qullissanut tikimmat inuit hornorujut arlallit illoqarfimmi matusaasimasumiilereersimapput. Toqqit arlallit napparneqarsimapput allalli Qullissani inunngorsimasut kinguaavilu illuni najugaqarput, taakkua illoqarfiup matusaanerata kingorna illuutiminnik iluarsaassisimasut. 

Illorpassuilli ima aserfallatsigisimapput iluarsaannissaat akilersinnaanatik, qalipaataarullutik igalaaverullutik inissisimapput uppernarsaataallutik atuumassuteqartunut, pisortat aalajangernerannit alianaqisumik illoqarfiup matullugu innuttaasut sineriammi inoqarfinnut allanut nuuttariaqarsimanerannut.  

Taamattaaq illut arlallit aseruatiterput imaanulluunniit tammarlutik illoqarfik matusaasimasoq 1990'ikkunni ulussaarsuarmik eqqorneqarmat.

Kuupik Kleist taassumalu ilaqutai inuussutissarsiornermut aatsitassanullu naalakkersuisoq Ove Karl Berthelsen angalaqatigalugu Qullissanut tikipput, angallatit pingasut allat ingiaqatigalugit, ilaatigut kultureqarnermut, naligiissitaanermut ilaqutariinnullu naalakkersuisoq Mimi Karlsen taassumalu uia Peter Lyberth.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER