Skip to main content

Børnerådip siulittaasua kinguaassiutitigut atornerlugaasimavoq

Brønderslevimi pisut Lisbeth Zorning Andersenip nammineq Lollandimi meeraanerminit eqqaamasanik qaffakaatitsipput. Atuagaq nammineq ilaqutaminit kinguaassiutitigut atornerlunneqarnini pillugit saqqummersilerpaa

Børnerådip siulittaasuata Lisbeth Zorning Andersenip nammineq timimigut misiginikuuaa meeraaneq nuanniitsoq pissaaleqiffiusoq aliasuffiusorlu qanoq innersoq. Børnerådimut siulittaasutut qinerneqarami Lollandimi meeraanini imigassamik atornerluffiusoq, nakuuserfiusoq qunusaariffiusorlu eqqartorpai. Atuakkiamini nutaami "Zorning - kamanneq atima ilagaat" oqaluttuaraa ukiuni arlalinni kinguaassiutitigut atornerlugaaneq.

- Angutisiama kinguaassiutitigut atornerluppaanga. Anaanaga isiginnaartarpoq. Anaanaga aamma ilaasalerpoq, Ekstra Bladet arfininngornermi saqqummersittagaa Ekstrami taama oqaluttuarpoq. Aatsaat maannakkut ukiuni arlalinni kinguaassiutitigut atornerlunneqarsimanini kikkunnut tamanut tusarliussinnaalerpaa, angutisiaata atornerluttarsimavaa - anaanami isiginnaaraani.

Danmarkimi meeqqanik sumiginnaanermik sorsuutiginnittoq 43'nik ukiulik Ekstramut oqaluttuarpoq, qulinit ukioqalernerminit angajoqqaami siniffiannukaqqutitarsimavoq. Ajortorujussuuvoq. Jan (angutisiaa) amiilaarnartorujussuuvoq. Illuatungaatigulli arlaatigut nuannaajallaatigisarpara. Qanilaarnermik misigisaq. Nuannarineqarlunga misigisarama. - Taama misigisarsimanera nuanniilliutigisaqaara. Sooruna maajugineq ajoriga? Nammineq taama pineqarnissara anguniartarpara? - Maannakkut nalunngilara nammineq pisuunanga. Inooriaaseq ajortoq nuannersussarsiorfiunngitsoq taamaattussaasimagami taamaattoq najorpara. Kukkunerit kukkunerunngitsullu assigiittut - taamaallaat suut pillaatisissutaasinnaasut allaanerupput.

Lisbeth Zornig Andersenip oqaluttuassartani nuanniitsorsuaq eqqartoqqissaarpaa isumaqarami pingaaruteqartuusoq. Danmarkimi amerlavallaat taannatut atugaqarlutik maannakkut inuupput. 

- Suli taamaattoqarpoq. Imaassinnaavoq Lollandimi tamakku angalaarunnaartut - immaqa Brønderslevimut nuussimagamik, Ekstramut oqarpoq.

- Inunnik sullissisut tamakkuninnga takunngitsuuisarneri kukkunerujussuuvoq, Lisbeth Zorning Andersen oqarpoq.  Atuagaq novembarip 11'ani Gyldendalikkut saqqummersinneqassaaq. 
 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER