Skip to main content

Kommune Kujalliup kiffartuussinissamut isumaqatigiissut dumpertippaa

Ilaasut pitsaanngitsumik inissinneqarmata, kommunip naammaginngilluinnarpaa

Angalanernik taamaatiinnartoqartillugu kinguaattoortoqartilluguluunniit nerisaqarnernut inissaqarnermullu tunngatillugu aaqqiissuteqartoqartariaqarpoq, taamaalilluni ilaasut eqqorneqannginniassammata.

Kinguaattoornerillu pissutigalugit ilaasut bilitsiminnik annaasaqartannginnissaat aaqqiissuteqarfigineqartariaqarpoq, maanna angallassisussat marluulernerat pissutigalugu - tassa Air Greenland aamma Disko Line - maanna Air Greenland kisimi kiffartuussisaraluarpoq.

Atuaruk: Ilaasut timmisartorlutillu umiarsuartassapput

Suliffissaaruttut arlallit
Tamatuma saniatigut aamma nassiussat allakkallu eqqarsaatigalugit erseqqissaasoqartariaqarpoq. Taamatullu aamma kiffartuussinissamut isumaqatigiissutit kingunerisaannik suliffissaaleqisunngortut erseqqissarneqartariaqarput.

Naalakkersuisut angallannermut tunngatillugu kiffartuussinissamut isumaqatigiissutigeqqammigaannut apeqqutaat aamma isornartorsiutaat amerlapput.

Atuaruk: Kujataani kiffartuussinissamut isumaqatigiissut aalassatsitsisoq

Eqqorneqartoq
Kujataa annertuumik eqqorneqassaaq, maanna qulimiguulimmik angallaffiit atorunnaarsinneqalermata umiarsuarmik angallannermik taarserneqassallutik. Illuanik Disko Line qulimiguulinnik pisariaqartillugu attartortarnissamik pisussaaffeqassapput, umiatsimik angalaneq pisinnaanngikkaanga atorneqartassallutik.

Aasaanerani minnerpaamik qulimiguulik ataaseq attartorneqartassaaq, ukiuuneranilu marluusassapput.

Kommunip tusagassiuutinut nalunaarummi oqaatigaa, Kujataani angallanneq ataqatigiikkunnaartoq, kommunilu isumaqatigiinninniarnernut akuutinneqarsimanngitsoq.

Atuaruk: Najukkami qinigaq: Kiffartuussinissamut isumaqatigiissutit annertuumik ajornerulerput

Ilaatinneqanngitsut
Kalaallit Nunaata iluani ilaasunik, allakkanik nassiussanillu angallassinermut kiffartuunneqarnissamik isumaqatigiissutit pineqartillugit, Kommune Kujallermit ataasiaannarata tikkuartarparput pingaaruteqarluinnartoq kommunip aammalu kommunimi inuussutissarsiornermik ingerlataqartut akuutinneqartarnissaat. Kisianni itigartinneqartarpugut.

- Tamanna isumaqarpoq kiffartuussinissamik isumaqatigiissutissat pillugit isumaqatigiinniarnerit, kommunit aammalu kommunini inuussutissarsiornermik ingerlataqartut peqataatinnagit ingerlanneqartartut, borgmesteri Jørgen Wæver Johansen aamma inuussutissarsiornermut ataatsimiititaliamut siulittaasoq, Simon Simonsen naqissusiipput.

Atuaruk: Air Greenlandip atorfiit 45-t peertariaqarpai

Allaffissorneq
Taakku aamma isumaqatigiissutit nutaat 'nerriviup qaavanut piimiannguarluni isumaqatiginninniarnerit' inernerigaat oqaatigaat.

- Maanna taamatoqqissaaq inissinneqaqqippugut, tassa kommune, kommunip innuttai aammalu minnerunngitsumik kommunimi inuussutissarsiornermik ingerlataqartut angallannikkut ajornerusumik inissinneqartussanngorlugit isumaqatigiissuteqartoqarluni, tamannalu pivoq toqqaannartumik eqqugaasussat suminermilluunniit atugariligassaminnut sunniuteqartinneqaratik taamaalillutillu isumaqatigiissutit inernerannik isaassiffigigineqaannarlutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER