Angallanneq

Kujataani kiffartuussinissamut isumaqatigiissut aalassatsitsisoq

Kujataani maanna kiffartuussinermut isumaqatigiissutaasut attanneqartariaqarput, innuttaasoq isumaqarpoq

Heliport, Qaqortoq, Bell-212
Qaqortumi heliporti ilaatigut matuneqassaaq

Sismanngornermi ullaakkut Sermitsiaq.AG-p allaasereriigaatut, Qaasuitsup Kommuniani kommunalbestyrelsimut ilaasortap Kristian Jeremiassenip (S) angallannermut isumaqatigiissutit nutaat isornartorsiorpai.

- Illoqarfinni taakkunani ineriartorneq takornariaqarnerlu sakkortuumik eqqorneqassapput, kommunimi politikeri ilaatigut taama oqarpoq, taassuma aamma oqaatigaa, Qasigiannguit, Qeqertarsuaq, Kangaatsiaq nunaqarfiilu nipaatsumik arriittumillu inuerukkiartulissasut.

Atuaruk: Air Greenlandip atorfiit 45-t peertariaqarpai

Isumaqatigiissut aalassaatigineqartoq
Maanna innuttaasup kiffartuussinissamut isumaqatigiissut januaarip aallaqqaataani atuutilertussaq isornartorsiorpaa.

Kujataani innuttaasut isumaqatigiissut aalassaatigigaat, Bentiaraq Ottosen tusagassiuutinut nalunaarummi allappoq. Tassami isumaqatigiissutip kingunerissavaa, Air Greenlandip Qaqortumi, Narsami aamma Nanortalimmi heliportit matuneqarnissaat.

- Angalaniarnermut periarfissanik unittoortitsissaaq naak imaatigut angallannerit ingerlanneqaraluartut. Suliffissat ikileriassapput kommunimilu isertitat ikileriassallutik, taanna erseqqissaavoq.

Atuaruk: Najukkami qinigaq: Kiffartuussinissamut isumaqatigiissutit annertuumik ajornerulerput

Inuiaqatigiit tamarmik eqqorneqassapput
Taakku saniatigut Qaqortoq ilinniartoqarfissuusoq aamma angallannerup ajornerulernera malugissavaat, Bentiaraq Ottosen allappoq.

- Inuiaqatigiit tamarmik eqqorneqassapput. Isumaqatigiissutit nutaat iluatsinngillat, maanna isumaqatigiissutaasut attanneqartariaqarput.

- Qularnanngilarlu januaarip aallaqqaataani takornariaqarneq aamma eqqorneqassasoq. Angallannerup ajornerulernerata piitsuunerulersiinnassavaatigut, Bentiaraq Ottosen oqarpoq.

Atuaruk: Aningaasaqarnermut Ataatsimiititaliap paamaarneq utoqqatsissutigaa

Powered by Labrador CMS