Kommunalbestyrelsip nuussuinissamut nalunaarusiaq tusagassiutitigut atuartariaqaraat

Nalunaarusiap 'Naligiinnerusumik siunissaqarneq' saqqummiunneqannginnerani Qeqqata Kommuniani kommunalbestyrelsip imaa ilisimanngilaa.

Taamaattumik borgmesterip Hermann Berthelsenip aamma borgmesterit siumumeersut marluk, Ole Dorphip, Qaasuitsup Kommunia, aamma Jørgen Wæver Johansenip, Kommune Kujalleq, siunnersuut saqqummiummassuk politikerit siunnersuutit tusagassiuutinut nalunaarummi atuartariaqarsimavaaat.

Pisortani atorfiit 600-t Nuummit sinerissamut nuunneqarnissaat. borgmesterit kissaatigaat.

Atuaruk: Siunnersuut: Nuummi suliffiit 600-t ukununnga nuussapput

Ajuusaarnartoq
Kommunalbestyrelsip nalunaarusiaq aamma eqqartornissaanut periarfissinneqanngillat. Tamannalu ajuusaarnarpoq, Inuit Ataqatigiinnit kommunalbestyrelsimi ilassortaq, Agathe Fontain isumaqarpoq.

- Periuseq taamaattoq suleqatigiinnissamut qaaqqusinngilaq, Agathe Fontain naqissusiivoq.

Atuaruk: Nuutsitsinissamut pilersaarutip akia suli misissorneqanngitsoq

Kangerlussuaq eqqaamallugu
- Suliffiit siammarnissaannut isumaqataavugut. Nuutalli nuuffissaminnut isumaqassapput, assersuutigalugu sanaartugassanut tunngasut, kommunimi politikeri ilanngullugu oqarpoq.

Kangerlussuarmi suliffiit piutinneqaannaqqullugit Hermann Berthelsen ilungersoqqullug taassuma kajumissaarpaa. Tassami mittarfiit aaqqissuussanerat allanngussappat, mittarfillu matuneqarluni, atorfiit 500-t tikillugit piujunnaassammata.

Atuaruk: Sulisitsisut: Nuussuinermik pilersaarutit inuit 1.500-t sunnissavaat