Skip to main content

Siunnersuut: Nuummi suliffiit 600-t ukununnga nuussapput

Kommunit pingasut Avannaa, Qeqqa aamma Kujataa, suliffiit 600-t Nuummiit nuunneqarnissaat siunnersuutigaat

Nunatsinni illoqarfiit minnerusut inuerukkiartorlutillu aningaasaqarnikkut ajornartorsiortut piviusiuuvoq.

Illoqarfinni annerusuni (Sisimiut, Ilulissat aamma Qaqortoq) borgmesterit pingasut,  marlunngornermi aaqqissutissamik annertuumik siunnersuummik saqqummiussipput.

Atuaruk: Borgmesterit pisortani suliffiit sinerissamut nuutsikkusuppaat

Naalakkersuisut peqatiginagit siunnersuut suliarineqartoq, suliffeqarfiit Nuummiittut sinerissami illoqarfinnut sinnerinut annertuumik nuussorneqarnissaanut siunnersuutaavoq.

Taakku borgmesterit pingasut siunnersuutigaat, Nuummi pisortat suliffeqarfiutaannit 600-t sinerissami illoqarfinnut allanut nuunneqassasut, Namminersorlutik Oqartussanilu atorfilittat atorfii Nuummiittut nikisinneqassanngitsut.

Nuummi aqutsinerulernermik ammaassisinnaasoq 
Suliffiit 600-t siulliit nuunneqarnerisigut eqqarsaataavoq, politikkikkut oqartussaaffiit amerlanerusut Danmarkimit angerlaassuunneqarnissaannut allaffinnik inissaqarnerulersitsissasut, taamaalillunilu Kalaallit Nunaata namminersulivinnissaanut qanilliallattoqassaaq.

Ullumikkut siunnersuutigineqartoq, annerusumik Qeqqata Kommunianit suliarineqartoq, Siumumillu borgmesterinit marlunnit taperserneqartoq, ima isikkoqarpoq:

Borgmesterit taakku pingasut, suliffeqarfiit Nuumminngaanniit makku nuunneqarnissaat neriuutigaat: 

  • Suliffiit 133-t Nuummiit Kommune Kujallermut
  • Suliffiit 108-t Nuumiit Kommuneqarfik Sermersuumi illoqarfinnut allanut
  • Suliffiit 147-t Nuummiit Qeqqata Kommunianut
  • Suliffiit 212-it Nuummiit Qaasuitsup Kommunianut

Suliffiit imatut agguataarneqarsimapput:

  • Digitalinngortitsinermut aqutsisoqarfik Qaqortumut: Suliffiit 16
  • Kalaallit Nunaanni Niuernermik Ilinniarfik Qaqortumut: Suliffiit 36
  • Akileraartarnermut Aqutsisoqarfik Qaqortumut: Suliffiit 29
  • Greenland Holding Qaqortumut: Suliffiit 2
  • Greenland Venture Qaqortumut: Suliffiit 2
  • Visit Greenland Qaqortumut: Suliffiit 9
  • Atuisartoqarnermut Unammilleqatigiinnermullu Aqutsisoqarfik Narsamut: Suliffiit 21
  • Inatsisartut Ombudsmandeqarfia Nanortalimmut: Suliffiit 11
  • Angallernnermut nakkutilliisoqarfik misissuisoqarfillu Narsarsuarmut: Suliffiit 7
  • Imarsiornermik Ilinniarfik Paamiunut: Suliffiit 15
  • Royal Arctic Line, umiarsuaatileqatigiiffimmi Paamiunut: Suliffiit 6
  • Nukissiorfiit qullersaqarfia Paamiunut: Suliffiit 65
  • Saammaasseqatigiinnissamut isumalioqatigiissitaq Taasiilamut: Suliffiit 2
  • POST Taasiilamut: Suliffiit 20
  • Kalaallit Nunaanni Teknikkimik Ilinniarfik Sisimiunut: Suliffiit 34
  • Geologiimut immikkoortortaqarfik Sisimiunut: Suliffiit 8
  • Sanaartukkanut, illuutinullu allaffissorneq Sisimiunut: Suliffiit 24
  • INI Sisimiunut: Suliffiit 10
  • Oqaasileriffik Sisimiunut: Suliffiit 6
  • Greenland Oil Spill Response A/S Sisimiunut: Suliffiit 2
  • Asiaq Sisimiunut: Suliffiit 21
  • Aalisarnermut akuersissutinik nakkutilliisoqarfik piniarnermullu nakkutilliisoqarfik Maniitsumut: Suliffiit 20
  • Nunaoil Maniitsumut: Suliffiit 7
  • Mittarfeqarfiit Kangerlussuarmut: Suliffiit 15
  • Meeqqanut inuusuttunullu immikkut suliniutit Ilulissanut: Suliffiit 5
  • Qitiusumik siunnersuisarfik Ilulissanut: Suliffiit 12
  • Ilinniartitaanermut Aqutsisoqarfik Ilulissanut: Suliffiit 42
  • Pikkorissaasarneq, inersimasunut ilinniarfiit, ilinniartitsisunullu ilinniaqqiffiit Ilulissanut: Suliffiit 5
  • Isumaginninnermi siunnersortinngorniarfik Ilulissanut: Suliffiit 7
  • Royal Greenland Ilulissanut: Suliffiit 47
  • Peqqissutsimut Pitsaaliuinermullu Aqutsisoqarfik Aasiannut: Suliffiit 36
  • Peqqinnissamut pinaveersaartitsinermullu nunami suliniutit Aasiannut: Suliffiit 32
  • Kræft-imut pilersaarut Aasiannut: Suliffiit 5
  • Nunatsinni nakorsaaneqarfik Uummannamut: Suliffiit 6
  • Eqqumiitsuliorfik Uummannamut: Suliffiit 2
  • Ulloq unnuarlu angerlarsimaffik Upernavimmut: Suliffiit 13
  • Suliffiit katillugit 600-t

Atuaruk: Borgmesterit pisortani suliffiit sinerissamut nuutsikkusuppaat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER