Nuutsitsinissamut pilersaarutip akia suli misissorneqanngitsoq

Akerlianilli ullumikkut tusagassiortunik katersortitsineq Nuummi ingerlanneqarpoq, tassani kommunit Kanukokamut ilaasortat pingasut qaaqqusisuupput.

Tamatuma nassuiaataa ajornaatsuuvoq, kommunit annersaanni borgmesteri oqarpoq.

- Una saqqummiussineq kommunitsinni saqqummiukkusukkaluarparput, ullumikkulli maani tamatta illoqarfimmiippugut, Ole Dorph (S) nassuiaavoq.

Suliffiit illoqarfinnut
Taassuma aammalu borgmestereqataata Hermann Berthelsenip (S) aamma Jørgen Wæver Johansenip (S) kissaataat ajornaappoq: Pisortat suliffeqarfiutaat amerlanerusut illoqarfiit pingaarnersaannit illoqarfinnut allanut nuullik.

Atuaruk: Borgmesterit pisortani suliffiit sinerissamut nuutsikkusuppaat

Siunnersuutip 'Naligiimmi Siunissaqarneq' takussutissiaraa, Namminersorlutik Oqartussani aamma suliffeqarfinni pisortanit pigineqartunit atorfiit 600-t sumut nuunneqassanersut.

- Lars Løkke (V) taama iliorsinnaappat, uagut aamma taama iliorsinnaavugut, tusagassiortunik katersortitsinermi taama oqaatigineqarpoq, tassani tusagassiortut saniatigut politikerit soqutiginnittut takkupput.

Kommunit taakku pingasut assersuutigalugu kissaatigaat, Nukissiorfiit pingaarnertut allaffeqarfia 65-inik sulisoqartoq Paamiunut nuunneqassasoq, Inatsisartut Ombudsmandeqarfia aqqanilinnik suliffittaqartoq Nanortalimmut nuutsinneqassasoq, aamma Royal Greenlandip suliffiutai 47-t Ilulissanut nuutsinneqassasut.

Nuna ataatsimoortoq
- Kalaallit Nunaat nuna ataatsimoortunngorluni ineriartussasoq isumaqarpugut. Taamaattumillu siunnersuutigaarput, suliffiit assigiinngitsut illoqarfiit pingaarnersaannit sinerissamut nuussorneqassasut, Hermann Berthelsen oqarpoq, taanna nammineerluni ilinniarnermut aamma teknikkikkut/nunalerinikkut allaffissornerup nuunneqarnissaanik kissaateqarpoq.

- Pisortat sullissinerat innuttaasut sinnerisa sumiiffianniittariaqartoq isumaqarpugut, Berthelsen oqarpoq.

Atuaruk: Siunnersuut atuaruk: Nuummi suliffiit 600-jut ukununnga nuussapput

Siumumit borgmesterit katillugu suliffiit 600-jut Nuummit nuutsinniarpaat, allaffiillu Nuummi imaaruttut oqartussaaffinnik Danmarkimit tigusinissamik inissaqartitsissapput, namminersornermut inatsit naleqqiullugu.

Tassa piffissap ingerlanerani Nuummi atorfinnik nutaanik pilersitsisoqarsinnaavoq, tusagassiortunik katersortitsinermi siunnersuut taama nipeqarpoq.

Aningaasartuutit aalajangerneqanngitsut
Aggertut arlaqartut siunnersuummut aningaasartuutissat apeqqutigaat, akineqanngillalli.

- Maanna akisinnaanngilarput, Hermann Berthelsen oqarpoq, taanna kommunimi atorfilittanilu siunnersuutip annerpaartaanut allaaserinnittuupput.

- Kisianni naatsorsuutigaarput akikissasoq. Digitaliseringip iluaqutissartai - soorlu video atorlugu ataatsimiinnerit - ullumikkut naammattumik atorneqanngillat.

Amerliartuaartitsilluni nutserneq
Sulisitsisut ataatsimiinnermut aggertitaat, Thomas Tyt Mogensen, pilersaarut piviusunngortinneqassagaluarpat, nutsertut ilaqutaasa nooqataasussat borgmesterit eqqarsaatigisimaneraat aperivoq.

Nuumminngaanniit nutserneq qaffakkiartuaarneqarsinnaasoq, pisortani paarlaanneq soraartoqarneratigut sinerissami atorfiit pilersinneqarnerat ilutigalugu, Qeqqata Kommuniani borgmesteri akivoq.

Hermann Berthelsenip aamma nassuiarpaa, tamanna oqaluuseriniarlugu borgmesterit pingasuullutik Kim Kielsen (S) qanittukkut naapissimagitsik. Maannakkulli siunnersuummut taperserneqarnerlutik oqaatigisinnaanngilaat.

Atuaruk: Siunnersuut atuaruk: Nuummi suliffiit 600-jut ukununnga nuussapput