isorliunerusut
Sulisitsisut: Nuussuinermik pilersaarutit inuit 1.500-t sunnissavaat
Sulisitsisut politikerit sattaaserlutik iliuuseqannginnissaannut, sulisullu hunnorujulikkaat aningaasaqarnikkut ataqatigiissaagaanngitsumik qulakkeerneqanngitsumik nuunneqarnissaat aarlerisaarutigaat
Siunnersuut annertoorujussuaq pineqarpoq, taassuma inuit 1.500 aamma 1.800 akornanniittut sunnersinnavai. Politikerit tamanna ingerlateqqissappassuk, tamatuma aningaasatigut iluanaarutitaqarnissaa qulakkiivinneqaqqaartariaqarpoq.
Atauruk: Siunnersuut: Nuummi suliffiit 600-t ukununnga nuussapput
Siumumeersut borgmesterit pingasut marlunngornermi pisortani atorfiit Nuummit sinerissamut nuunneqarnissaannik siunnersuummik saqqummiussinerisa kingorna, Sulisitsisuni (GE) pisortaq Brian Buus Pedersen taama naliliivoq.
Atuaruk: Siumup nuutsitsinissamik siunnersuut taperserpaa
Akissutissarpassuarnik amigartoq
- Norgemi aamma Danmarkimi takusatsinnut sanilliullugu siunnersuut naleqanngilaq. Aamma akissutissarpassuarnik amigaateqarpugut. Inuit pineqartut aappaannut suliffinnik aamma meeraannut meeqqerivinnik pilersitsisoqarniarpa? Nuussuineq annertooq qanoq akeqassava? Nuunnerup nalaani sulinngittoqarnera qanoq naleqassava, aamma soraarniuteqartoqarpat sunik annaasaqartoqassava? Tamakku apeqquterpassuit ilamininnguaraat, Brian Buus Pedersen oqarpoq.
Atuaruk: Nuutsitsinissamut pilersaarutip akia suli misissorneqanngitsoq
Nunap karsia imakilliortoq
Taassuma ilanngullugu tikkuarpaa, nuussuinissamut pilersaarutip aningaasatigut iluaqutissanik ersarissunik takutitsinngippat, nunap karsia imakillioreersoq suliniutip artukkerneruinnassavaa. Suliniummullu aningaasat pisortani aningaasaliissutinit aamma sulianit allanit aningaasatigut ineriartortitsisussanit tigusariaqalernissaanik kinguneqarsinnaavoq.
- Nutaanik pilersitsiniarnata nalillit nuussornissaannut oqalliseqqajaasarpugut. Nuussuinerlu iluaqutissartaqanngippat, aningaasat attaveqaqatigiinnermut pitsanngorsaanermut, soorlu internettimut søkabelip avannamut tallineqarneranut imaluunniit mittarfiit tallineqarnerannut atorneqarsinnaapput. Tassani annertusaanermik pilersitsisoqassagaluarpoq, Sulisitsisunit pisortaq oqarpoq.
Atuaruk: Atassutip nuutsitsinissamut siunnersuut isornartorsiorpaa
Kommunit periarfissaat
Brian Buus Pedersenip erseqqissarpaa, kommunit ullumikkut annertusaanissamut periarfissaqareersut - innuttaasut aamma suliffeqarfiit, ullumikkut piusut aallaavigalugit.
- Suliffeqarfinnik sulisussaaleqiinnavittoqarpoq, ingammik aalisakkerivinni, taakkulu saniatigut suliffissarsiortut pisortanik ikiorserneqarlutik angalaaginnarput. Tassani kommunit iliuuseqarnissaminnut periarfissaqarput, suliffissaaleqisut, suliffeqarfiit aamma kommunip aningaasaqarnera iluaqutserlugit, Sulisitsisuni pisortaq naqissusiivoq.
Atuaruk: Suliffiit sinerissamut nuutsinneqartariaqarpat - Qanoq isumaqarpit?