qimmit nappaataat
Qimmit qimuttut akiuussutissamik kapoorneqaleruttorput
Kalaallit Nunaanni Uumasunut Nakorsaqarfik Inuussutissalerinermullu Oqartussaaffik, Saqqami qimmit nappaataannik tuniluuttoqarsimanngitsoq ilisimatitsivoq
Qimmit nappaataannik Qeqertami tuniluuttoqarpoq, tamanna qimmit 70-t inuunerannit naleqarsimavoq.
Namminersorlutik Oqartussat maanna ilisimatitsippiut, qimmit napparsimanngitsut 221-t akiuussutissamik sapaatip-akunnerata naanerani kapineqartut.
Qimmeq ataaseq qimmit nappaataannik tallimanngormat toquvoq, naatsorsuutigineqarporli qimmit amerlanerit toqusinnaanissaat, akiuussutissamik kapuut suli sunniutinngitsoq toqusinnaallutik.
Atuaruk: Qimmit 70-it qimmit nappaataannik toqupput
Saqqami qimmit napparsimanngitsut
Kalaallit Nunaanni Uumasunut Nakorsaqarfik Inuussutissalerinermullu Oqartussaaffik saniatigut ilisimatitsivoq, Saqqami qimmit napparsimanngitsut 265-it akiuussutissamik aamma kapineqarsimapput.
Qimmit maannamut suli 80-it akiuussutissamik kapineqarsimanngillat. Aamma ilisimatitsissutigineqarpoq Saqqami qimmit qimmit nappaataannik napparsimasimanngimmata.
Qeqertami Saqqamilu qimmit akiuussutissaannik kapisisartut qimmilinnut inassuteqarsimapput pisortat ilungersortumik inassuteqaataat naapertorlugit iliortaqqullugit.
Atuaruk: Qimmit 25-t qimmit nappaataannik toqquteqartut
Pitoqqaneqassasut
ONIO-mi immikkoortortami pisortaq Ólavu Niclasen erseqqissaavoq, Qaasuitsup Kommunianik ataavartumik qimmit nappaataata tunillaassuutinnginnissaa anguniarlugu attaveqarlunilu suleqateqarlutik.
Oqartussaqarfimmit erseqqissumik kajumissaasoqarpoq. Tassami qimmit nappaataat tunillaassuutipallattarmat.
- Qimmit tamarmik ungalusaniissapput pitussimassallutilluunniit; qimmit napparsimasut immikkut inissinneqartassapput, toqunneqassallutik ikullanneqarlutillu. Saligaatsuunissaq eqqiluisaarnissarlu pingaaruteqarput, qimmit tamarmik napparsimanngitsut akiuussutissamik kapineqartassallutik.
Atuaruk: Qimmit nappaataannut akiuussutissamik amigaateqartut