Qaasuitsoq
Qimmit nappaataannut akiuussutissamik amigaateqartut
Qaasuitsup Kommuniani qimmit amerlasuut nappaammut akiuussutissamik kapineqarsimanngillat, uumasut nakorsaannik amigaateqarneq pissutigalugu
Qaasuitsup Kommunia qimmit nappaataannut akiuussutissamik qimmit kapimeqartarnissaannut kinguaattooqqavoq. Nappaat nunaqarfinni Qeqertami aamma Saqqami tuniluutereernerata kingorna, kommuni KNR-imut taama ilisimatitsivoq.
Najukkamilu innuttaasut naapertorlugit, tuniluunneq qimmit 40-t inuunerannik naleqarsimavoq - 25-iunngitsut Namminersorlutik Oqartussat oqarnerattut.
Atuaruk: Qimmit 25-t qimmit nappaataannik toqquteqartut
Uumasut nakorsaqanngitsoq
Qaasuitsup Kommuniani pilersaarusiornermut pisortaq, Hanne Andersen, piffimmi akiuussutissamik kapuutinik amigaateqarneq, uumasup nakorsaqannginneranik pissuteqartoq ilisimatitsivoq.
- Qaasuitsup Kommuniani uumasut nakorsaat piffissami sivisuumi napparsimavoq. Taamaammat nakorsaatinik maanna pissarsisinnaanngikkallarpugut, Hanne Andersen KNR-imut oqarpoq.
Qimminut akiuussutissanik sapaatip akunneri arlaqanngitsut qaangiuppata apuussisoqassasoq, taassuma ilanngullugu oqaatigaa.