nunaqarfiit marluk
Qimmit 25-t qimmit nappaataannik toqquteqartut
Qimmit nappaataannit tunillaassuuttoqarnerata kingorna uumasut nakorsaqarfik inuussutissalerinermillu oqartussaaffik qimmiutilinnut qimmitik nappaammut akiuussutissamik kapitissagaat kajumissaaripput
Nunatsinni uumasut nakorsaqarfik inuussutissalerinermillu oqartussaaffik Qeqertamit Saqqamiillu qimmit nappaalalersimaneri pillugit ilisimatinneqarluni saaffigineqarsimavoq.
- Ilisimatinneqarpugut Qeqertami qimmit qimmeqatigiinnit marlunnit 20-t missaanniittut toqusimasut, Saqqamilu qimmit tallimat missaanniittut aamma toqusimallutik, uumasut nakorsaat Jennifer Andersen, uumasut nakorsaqarfik inuussutissalerinermillu oqartussaaffimmeersoq, UNIO, oqarpoq.
Asserpassuit: Saqqami puisimik pilanneq aamma iluliarsuit
Kapititsineq kajumissaarutigigaat
Qimmit nappaataasa ersiutaat tunngavigalugu uumasut nakorsaat naliliipput, qimmit nappaataasa malunniutaasa allaaserineqarnerat tunngavigalugu, qularnanngitsumik qimmit nappataat tassaasoq qimmit nappaatigisartagaat (tuluttut taaguutilik canine distember virus, red.)
- Qimmiutillit kajumissaarusuppagut qimmitik pisarnertik naapertorlugu qimmit nappaataannut parvo-virusimullu akiuussutissamik kapittaqqullugit, perlerornermut, rabies, inatsisit naapertorlugit pisussaaffittut kapiteqqullugit, Jennifer Andersen oqarpoq.
Kommunimi ikiuisartut
- Taamaattumik kommunit qimmiutilinnut perlerornermut akiuussutissamut qimmit nappaataannut parvo-virusimillu aamma akiuussutissat ilanngullugit neqeroorutigisarpaat, uumasut nakorsaat Jennifer Andersen erseqqissaavoq.
Atuaruk: Qimmit pingasut perlerlutik toqupput