unammilleqatigiinneq
KNI isertitaqarnerulertariaqarpoq
Niuertarfiutilik Namminersorlutik Oqartussanit pigineqartoq, aningaasaqarnikkut unammilligassaqarpoq. Aaqqiissutissat ilagaat pisiniarfiit namminersortut unammilleqatiginissaat
KNI Namminersorlutik Oqartussanit kiffartuussinermut isumaqatigiissutitigut nunaqarfinni aamma isorliunerusuni pisiniarfiuteqarnikkut aningaasanik amerlanerusunik pisinnaava?
KNI Namminersorlutik Oqartussanut iluanaarutinik akiliinngiinnarsinnaava - aningaasallu assersuutigalugu Pilersuisup pisiniarfiinut iluarsartuussinermut atuinnarlugit?
Imaluunniit Namminersorlutik Oqartussat niuertarfiutillit pigisatik illoqarfinnut anginerni ingerlatsilernissaannut akuersissuteqarsinnaanerlutik, pisiniarfiillu soorlu Pisiffik aamma Brugseni unammilleqatigilerlugit?
Atuaruk: Namminersorlutik Oqartussat Pisiffimmut unammilleqqullugit inassuteqartoq
Unammilligassat
Ukiuni makkunani KNI-p aningaasaqarnikkut unammilligassaani ajornaatsumik aaqqiissutissaqanngilaq: Pilersuisup pisiniarfiini nunaqarfinni aamma isorliunerusuni pisisartut ikiliartorput, innuttaasut nuuttarnerat pissutaalluni.
Saniatigullu 100 millionilikkaat atorlugit iluarsaanngitsoorneq kiisalu pissarsiassanik akiliisarneq kiffartuussinissamik isumaqatigiissummik mangiaasoq. Naatsorsuiffiusumi kingullermi tamanna nunatta karsianut imakilliortumut 30 millionit koruunit tutsinneqarput.
Atuaruk: Sulisitsisut: KNI unammilleqatigiinnermut naleqqutinngitsumut sakkuginagu
Sinneqartoorut minnerusoq
Tamanna tunngavigalugu suliffeqarfik ajornartorsiutinik aaqqiiniarluni piginnittunut taperserneqarnissamik ujartuivoq.
- Pilersuisoq imaannaanngitsunik suliassaqarpoq iliuuseqartoqanngippallu ukiualuit qaangiuppata suliffeqarfik sinneqartoorutikippallaarluni ingerlalersinnaalluni. Taamaattumik kaaviiaartitat isertitallu annertusisariaqarpavut, pisortaq Peter Grønvold Samuelsen oqarpoq.
Atuaruk: KNI ilumuunnginneraavoq: Pisortat aningaasaataat atorlugit unammillinngilagut
Sermitsiaq normu 50-mi KNI-p aningaasaqarnikkut unammilligassaasa tunuliaqutai atuakkit. Aviisi pisniarfimmi imaluunnit PDF-filitut uani pisiniarisinnaavat: