unammilleqatigiinneq
Namminersorlutik Oqartussat Pisiffimmut unammilleqqullugit inassuteqartoq
KNI Namminersorlutik Oqartussanit pigineqartoq sooruna unammillernianngitsoq, taamaalillunilu pisiniarfinni nammineq pigineqartunit akit appasinnerusut qulakkeerlugit, Nusuka taama aperivoq
Pisiffik ullumikkut illoqarfinni anginerusunik unammillerteqarpianngilaq alliartuinnarlunilu.
Atuaruk: Elektronikkinik tuniniaasartoq Pisiffimmit pisiarineqarpoq
Killormoortuanilli unammilleqatigiinnerulernik atuisunut akit apparneranik kinguneqassaaq.
KNI unammillertoralugu?
Tamanna tunngavigalugu isumaqarpugut, sooq nammineq pigisarput, Namminersorlutik Oqartussanit pigineqartoq KNI unammilleqatigiinneq anguniarlugu ammaanianngila?
Sulisitsisut kattuffiat Nusuka taama siunnersuuteqarpoq, taamatullu siunnersuuteqarnermigut piginneqataassutsip ilusaat aamma ulluinnarni pisiassat tungaatigut unammilleqatigiinnerup oqallitsitsinermik pilersitsitsiniarpoq.
Angivallaartoq
- Pisiffik nunani allaneersunit 86 procentia pigineqartoq alliartornera ingerlaannarpat, pisiniarfiit allat ipitissavai. Suliffeqarfillu allivallaaruni nunatsinneersunit pisiarineqarsinnaajunnaassaaq, soorlu Polar Seafood taamaattoq, Nusukami siulittaasoq, Gerth B. Lynge tusagassiorfinnut taama nalunaarpoq.
Taassuma ilanngullugu tikkuartorpaa, KNI-mi allilertorneq Namminersorlutik Oqartussanit kiffartuussinissamut isumaqatigiissummik isumalluuteqarunnaassagaluartoq.
- Tamannalu inuiaqatigiinni alloriarneq peqqinnartuussaaq. Eqqarsaatigigaanni KNI maanna nunatsinneersuinnangajannik sulisoqarlunilu ilinniartitsisarpoq, siulittaasoq erseqqissaavoq.
Atuaruk: KNI-mi angusat pitsanngoriartinneqarput
Siornatigut allilertoreersoq
KNI siornatigut suliffeqarfimminik allilertuilluni alloriarneq misilereernikuuaa namminersortunillu pisiniarfinnik pisilluni.
Suliffeqarfik Namminersorlutik Oqartussanit pigineqartoq, 2008-mi Aasianni pisiniarfimmik akikitsunik pisiassalinnik ammaanikuuvoq, tassanilu Pisiffik pisiniarfinnik arlalinnik ingerlataqarpoq.
Assortuussutaasoq
Aalajangerneq assortuussutaavoq, tassami Pisiffiup pisiniarfiuteqarfii KNI-mit pigineqarnikuugaluarmata, kingornatigullu 2001-mi namminersortunngorsarneqarput, Dagrofa annerpaamik piginnittuliullugu.
2012-mi pilersuisoq nittartakkakkut pisiniarfittaarpoq, Pisisa.gl, nerisassaanngitsunik soorlu atisat, pequttatm igaffimmi atortutm allarpassuillu pisiassat aallaaviullutik. Nittartagaq pisiniarfinnik ammartiterinngikkaluarluni alliartortitsisussaagaluarpoq.
Atuaruk: KNI: Taamaammat akisunerukkajuppugut