inatsissatut siunnersuut
Inatsisiliupallanneq: Tusarniaanermi nalunaaquttap akunneri arfineq-marluk ataallugit akissuteqartoqassaaq
Avataaniit mittarfilioriartortussat akileraarutaasa tamarmik nunap karsianut tutsinneqartarnissaat inatsisissatut siunnersuut, tusarniaassutigineqarniarlerpoq. Tamannalu sukkasuumik ingerlanneqassaaq.
Naalakkersuisut inatsissatut siunnersuut tusarniaassutiginialeraat, nunatsinni kommuneqarfiit ullaaq manna paasivaat. Inatsisartunili politikerit takkajaanik allaaserineqarsimasunik takusassaqarnavianngillat.
Nalunaaquttap akunneri arfineq-marluk
Kommuneqarfiimmi inatsissatut siunnersuummut akerliussuteqarunik nalunaaquttap akunneri arfineq-marluk ataallugit akissuteqarnissamut periarfissinneqarsimapput, inatsissatummi siunnersuut ualeru Inatsisartuni siullermeerneqartussaavoq sisamanngorpallu siunnersuut pingajussaaneerneqarluni akuerineqassaaq.
Kommuneqarfiillu kaatuffiani KANUKOKA-mi siulittaasup, Simon Simonsenip ullumi, kommuneqarfiit tusarniaanermut akissuteqarnissamut, inatsisissatut siunnersuuteqartoqartillugu suleriuseq malillugu periarfissinneqarsimannginnerat, uggoraa.
Aamma atuaruk: Inatsisissaq mittarfissat aningaasalersorneqarnissaannut qulakkeerinnittussaq
Ullaaq mannalu nal. 09.06 kommuneqarfinnut mailimi nassiunneqarsimasumi, tusarniaanermut piffissaliunneqarsimasoq sivikitsuinnarmik ingerlanneqarnera utoqqatsissutigineqarpoq.
Ataatsimeeqatigiinnissamik neqerooruteqarneq
Ilanngulluu paasissutissiarineqarpoq:
Aamma atuaruk: Pilerisaarut: Mittarfinnut aningaasaliisartunut akileraarut annikinnerusoq
- Aningaasaqarnermut Akileraartarnermullu Naalakkersuisoqarfiup, tusarniaanermi atortut pillugit ataatsimeeqateqarnissamik kissaatigingussiuk, tamanna neqeroorutigisinnaavarput, aningaasaqarnermut naalakkersuisoqarfik paasissutissiivoq.
Aamma atuaruk: Inatsisiliupallanneq kommuninit uggorineqarpoq