Sunday, November 5, 2017 - 08:45

Moriusap eqqaani 2018-imi sioqqanik oqimaatsunik aatsitassiortoqalernissaa Bluejay Miningimi naatsorsuutigineqarpoq

Assi.: Bluejay
Kalaallit Nunaanni rekordiliinissaq: ukiut sisamat ingerlanerinnaanni ujaasinermit aatsitassarsiulernermut

I ngerlatseqatigiiffik Dundas Titanium A/S, Moriusap eqqaani kisermaassilluni akuersissutaatilik Bluejay Mining Ltd-imit tamakkiisumk pigineqarpoq, taannalu aamma børsenimi nalunaarsorneqarsimasumit ingerlatseqatigiiffimmit Bluejay Mining Plcmit (LSE-JAY imaluunniit JAY:LN) pigeqqinneqarpoq.

Ingerlatseqatigiiffimmi sioqqat oqimaatsut qasertoq qernertumik aatsitassamik, ilmentitsimik akoqarput, taakkulu sioqqanit nalinginnaasunit marloriaatingajammik oqimaannerupput. Bluejayip suliniut aamma suliniutip aningaasartaanik pigisanik nalilinnik aqutsisumit John Fergusonimit pisiarai.

Aviisi Sermitsiaq taama allaaserisaqarpoq.

Suliniut pingaarnersaasoq
Sioqqanik suliniut ingerlatseqatigiiffiup maannakkorpiaq suliniutimini pingaarnersaatippaa, ingerlatseqatigiiffilli Kalaallit Nunaanni aamma Finlandimi ujaasinissanik arlalinnik allanik pilersaarutaateqarput. Ingerlatseqatigiiffik Londonimi qanikkut børsenimut nalunaarsortippoq tamannalu aningaasaliisartunit malittareqqissaarneqarpoq.

2017-imi Dundas Titanium aatsitassamik siullermik 2017-imeersunik saqqummiussaqarpoq. Sioqqat ujaraaqqallu 23,6 millioner tonsit 8,8%-ii ilmenitimik akoqarput imaluunniit sumiiffimmi qillerisaqartaarfiusimasumi aamma sajuppillatsitsisarluni qilleriffiussimasup 4,2 %-ia titaniumoxydimik akoqarpoq.

Sumiiffik misissuiffigineqartoq pisuussuteqarfiusinnaasup taamaallaat 14 procenteraa, taannalu sinerissami 25 kilometerisut isorartutigisumiippoq.

Piaaffimmik suliniut pillugu Sermitsiami saqqummertumi kingullermi paasisaqarnerugit. Aviisi uani ataani pisiarisinnaavat: 

Seneste nyheder / Nutaarsiassat kingulliit