Hammond Borgenimi ataatsimiittoq

Aleqa Hammond (S) ataasinngornermi Folketingip allatoqarfiani ataatsimiippoq.

Tassani folketingimi politikeri nalunaarfigineqarpoq, taakku 12.983 koruunit, Folketingip aningaasaatai nammineq atorsimasani tulliani akissarsiguni ilanngaatigineqassasut.

Allan Blom, Folketingimi aningaasaqarnermut allattoqarfimmi sulisoq, Aleqa Hammondip aningaasaqarnera pillugu paasissutissat Ekstra Bladep pissarsiarisimammagit ajuusaarpoq.

Aleqa Hammond pisoq pillugu, ataasinngornermi ualikkut tusagassiuutinut nalunaarummi utoqqatserpoq.

Kisianni pisiniarnerit, sapaatip-akunnerisa pingasut ingerlanerini pisut, piffissami nammineq oqarnera naapertorlugu, allatut akilersinnaannginnamigit taamaaliorneraannarpoq.

Socialdemokraatinit akerlilerneqanngitsoq
- Ataatsimiinnerup ingerlanerani oqaatigaara ajuusaarutigalugu aningaasatigut atuisimaneq ajornartoornermi atorneqarsinnaaneranut tunngasoq, taanna allappoq.

Socialdemokraatit una suliaq Hammondimut kinguneqartitsinavianngitsoq ataasinngornermi nalunaarutigaat.

Hammondip aningaasanik atornerluineranut allaaserisat tunngasut:

Hammond: Isornartorsiorneqarnera paasilluarsinnaavara

Siumup Inuusuttaasa Hammond isornartorsioraat

Aleqa Hammond: Ajornartoornermi korti atorpara

2014-imi: Takussutissiaq: Nunatta karsianit 106.363,27 koruunit Aleqamit ima atorneqarput

2014-imi: Hammond aamma Kleist suli akiitsoqarput