Politikki
Siumup Inuusuttaasa Hammond isornartorsioraat
Aleqa Hammondip (S) aningaasanik akileraarutinik atornerluinera akuerineqarsinnaanngilaq, Siumup Inuusuttunut Suliniaqatigiiffiani siulittaasoq isumaqarpoq
- Tusagassiutitigut tusarparput Folketingemi Siumut sinnerlungu ilaasortaq (Aleqa Hammond, aaqq.) aningaasanik atornerluisimasoq.
Partiip Siumup inuusuttaasa aqutsisuinit oqariartuut taama aallartippoq, tassani Ekstra Bladetip sapaatiummat allaaserisaa qisuariarfigineqarpoq.
Tusagassiuutinut nalunaarut siulittaasumit, Steve Olsvigimeerpoq.
- Nuna tamakkerlugu Siumup Inuusuttaani siulittaasutut, nunarput tamakkerlugu ilaasortarpassuagut sinnerlungit erseqqissaassutingissavara, aningaasanik atornerluisimaneq akuerinngikkipput.
- Kissaatigaarpullu tatingineqarlutik qinikkat taamasiortassanngitsut.
Aviisip sapaatiummat oqaluttuaraa, folketingimut ilaasortap Aleqa Hammondip (S) atorfilittut kreditkorti nammineq aningaasartuutinut atoqqissimaneraa.
Ekstra Bladetip ilaatigut oqaluttuaraa, Siumumi politikerip Nuummi aamma Borbholmimi 12.000 koruunit sinnerlugit folketingimit kreditkorti atorlugu aningaasanik tigusisimanersoq.
Atuaruk: Aleqa Hammond: Ajornartoornermi korti atorpara