Aleqap atornerluinera

Takussutissiaq: Nunatta karsianit 106.363,27 koruunit Aleqamit ima atorneqarput

Nunatta karsianit 106.363,27 koruunit qanoq Aleqa Hammondimit atorneqarsimanersut Sermitsiaq.AG-mit saqqummiunneqarpoq

Hotel Arcticimi mini-barimi pisiarineqartut Timmisartornissamut inniminniinerit Nunatta karsiata aningaasaatai atorlugit mamakujuttunik pisineq

Timmisartumut angalanissamut imminimmiinerit, hotelimiinnerit, mini-barimi aningaasartuutit, neriniartarfinni neriartornerit, internetsimut aningaasartuutit, mamakujuit, chipsit, unnuakkut Arctic Hotelimi imigassartornerit. Aleqa Hammondimut ilaqutaanullu aningaasat atorneqarput. Tamakku pillugit paasissutissat quppernernik 85-nik qupperneqarpoq.

Nunatta karsianit aningaasat 106.363,27 koruunit atorneqarsimanerat paasineqarmat Aleqa Hammond Naalakkersuisut siulittaasuattut aamma Siumumi siulittaasutut tunuarpoq.

Paasissutissat Naalakkersuisut siulittaasuata Naalakkersuisoqarfianit pissarsiarineqarput qinnutigineqareeratigut.

Naalakkersuisunik uppisitsineq
Inatsisartut Kukkunersiuinermut Ataatsimiititaliaat Aleqa Hammondip Nunatta karsianit aningaasanik atornerluisimanera saqqummiuppaa septembarip 26-ani. Aningaasat maajip 28-ani 2013-mit ukioq manna maajip 14-ata tungaanut atorneqarput.

Naak akiligassat akilerneqarnissaat allagarsiisoqartaraluartoq akiligassat septembarip arfineq pingajuanni ukioq manna akilerneqarput.

Politikkerinit, parteeqatinit inuiaqatigiinniillu tatisimaneqarneq tassanngaannit annertusivoq. Inatsisartuni Naalakkersuisunilu sulinngiffeqarniarluni Aleqa Hammond oktobarip aallaqqaataani qinnuteqarpoq. Naalakkersuisunut siulittaasuugallartup Kim Kielsenip akunnerit arlaqanngitsut qinersisoqarnisaa suaarutigaa.

Aleqa Hammondip aningaasanik Nunatta karsianit atuineranut uppernarsaatit talerpiata tungaani takuneqarsinnaapput. PDF-inngorlugit takutinneqarput

Aleqa Hammondip aningaasat ilaatigut ima atorpai. Assit ataani takukkit

Powered by Labrador CMS