Politikki
Sisimiuni Siumumi siulittaasoq nutaaq
Kommunimut qinersinissamut Siumut Sisimiuni aqutsisut taarsersorneqarput. Aappagu borgmesterimut qinersisoqarnissaanut kikkut qinigassanngortissanersut maannakkumuugallartoq oqaatigineqanngilaq
Illoqarfiit annersaata tullianni Siumup immikkoortortaqarfiani nutaamik siulittaasoqalerpoq.
Partiip inuusuttaanit ilannguttoqarnerata kingorna, Siumut Sisimiut maanna nutaanik inuusuttunik nukinnik peqalerpoq.
Qinigassanngortikkusuttoq
Siulittaasoq nutaaq aamma timersortarfimmi siulittaasuusoq, Erik Jensen, partiimit siorna folketingimut qinigassanngortippoq.
Kommuninut qinersinissami marsimi/aprilimi 017-imi qinigassanngortinnerluni, taassuma Sermitsiaq.AG-mut uppernarsarusunngilaa.
- Kisianni isertuutissanngilara qinigassanngortikkusukkama, taanna oqarpoq.
Atuaruk: Sisimiuni qaqqap iluani naluttarfimmut millionilikkaat inissittut
Erik Jensenip saniatigut Siumut Sisimiut siulittaasuinut uku qinigaapput:
- Siulittaasup tullia: Camilla Mølgaard Frederiksen (Siumup Inuusuttaannut aamma ilaasortaq)
- Aningaaserisoq: Kristian Enoksen
- Allatsi: Søren Alaufesen
- Siulersuisunut ilaasortaq: Henrik Davidsen
- Sinniisoq siulleq: Hans Kristian Petrussen (Siumup Inuusuttaannut aamma ilaasortaq)
Sisimiuni partiimi siulersuisut siulersuusimasut aamma siulittaasuusimasoq, Lars-Jørgen Kleist, suliaannut qujapput.
Kleist ukiuunerani Nuummut nuuppoq.
Hermann nipaatsoq
Qeqqata Kommuniata borgmesteria, Hermann Berthelsen (S), ukiuni sisamani borgmesterioqqinnissamut qinigassanngortinniarnerluni nipangiusimaqqagallarpaa.
Partiimilu arlalinnik pisoqarnissaa Erik Jensenip nalunaarutigaa:
- Siumut Sisimiut ilaasortani tamaasa aamma soqutiginnittut maajip sisamaani Amerlumi naapinniarpai, taassuma kingorna kikkut imaluunniit qassit Sisimiunit kommunimut qinigassanngortissanersut oqaatigisinnaalissavarput. Kisianni qularnanngitsumik Sisimiunit aamma Maniitsumit amerlasuut piukkunnartut qinigassanngorteqqissapput, immaqalu aamma inuusuttut nukiit nutaat aappaagu kommunitsinni aallartissapput?
Kujataani ataatsimeersuarneq
Jensenip oqaatigaa, borgmesteritut qinigassanngortittut tamarmik 'politikkikkut tunuliaqutap tamarmiusup' akuereqqaassagai.
Juunip naanerani aamma juulip aallartinnerani Siumut Summer Summit Qaqortumi aaqqissuunneqassaaq.
Atuaruk: Immakkut attaveqqaat avannamut ilaneqalerpoq
Atuaruk: Sisimiut timersortarfia oquk pissutigalugu matussaaq