Skip to main content

Randi V. Evaldsen: Siumut marlunnut avissimavoq

Naalakkersuisut siulittaasuata Kim Kielsenip Kommuneqarfik Sermersuup illoqarfiit pingaarnersaannut periusissiaanik isornartorsiuinerata uppernarsarpaa Siumut marlunnut avissimasoq, Demokraatit siulittaasuat isumaqarpoq

- Oqartuarsimavugut Siumut marlun­ nut avissimasoq maannakkullu Kim Kielsenip Kommuneqarfik Sermersuumilu Siumumi kommunalbestyrelsemi ilaasortat akornanni pisup tamanna uppernarsaannar­paa.

Demokraatit siulittaasuat Randi Vestergaard Evaldsen Sermitsiamut oqarpoq.

Atuaruk: Kielsen Nuummi suliniut pillugu: Isumaannakkut pilersaarut

Siumut marlunnut avissimasoq
- Tamanna oqaaseqarfigisinnaanngilara, akuliuffigerusunnagulu, namminneq pissap­put. Isertuussinnaanngilarali uagutsinnut avataani inissisimasunut Siumup marlun­nut avissimanera ersarissupilussuummat, taanna oqarpoq.

Tassaaniaraluarpoq kommunalbestyrelsi tamarmiulluni Kommuneqarfik Sermersuu­mi borgmesteri Asii Chemnitz Narup (IA) siuttoralugu februaarip 7-­ani illoqarfiit pingaarnersaannut periusissiamik saqqum­miussisoq.

Pilersaarutaavoq illoqarfup ilassutissaatut Siorarsiorfimmi inissianik nutaanik 1.600­-nik sanasoqassasoq, kiisalu meeqqerivinnik, atuarfinnik, sullorsuarmik, issittumi arsaattarfissuarmik inuussutissarsiornikkullu illorsuanik 4 aamma 5 milliard koruunit missaannik akeqartussanik.

Piler­saarutit malillugit illoqarfiup ilassaani inuit 5.000­-it najugaqassapput inissiallu ukiut arfineq-pingasut qaangiuppata naammas­sisimassallutik.

Atuaruk: Asii Kielsenip assuarliinera pillugu: Terlersorluni saassussineq

Taaneqanngitsoq
Siumulli Kommuneqarfik Sermersuumut qineqqusaarutaani Siorarsiorfimmi suliniut oqaatsimik ataatsimilluunniit taaneqanngi­laq. Naalakkersuisut siulittaasuata Kim Kielsenip (S) suliniut isornartorsiorpaa isumaqarluni saqqum­miunnissaanut atortussat ilusilersuinerillu pingaarnerutinneqarsimasut suliniummi tamarmiusumi misissueqqaarnerit, piler­saarsiornerit aningaasaliinissallu inissinnis­saa pinnagit.

Imaassinnaasoq suut tamarmik piviusunngornavianngitsut Randi Vestergaard Evaldsenip oqaatigaa.

- Pingaartuuvorli kommunit pilersaaruteqarnissaat aamma angujuminaalaarsinnaasunik. Takorluuga­qarneq pilersaaruteqarnerlu pingaartuuvoq taamaallaat qinigaaffimmut tullermuin­naangitsoq aammali siunissamut ungasin­nerusumut. Taamaattumik illoqarfiit pingaarnersaannut periusissiat taperser­sorpakka. Kim Kielsenip pilersaarutinik isor­nartorsiuinera siunnersuinertaqanngilaq, kommunalbestyrelsimilu ilaasortarisaminik tapersersuinnginnera nammineq siulittaa­sutut akisussaaffigisariaqarpaa, taanna Sermitsiamut ilaatigut oqarpoq.

Atuaruk: Nunatta oqaluttuarisaanerani inissianut pilersaarut annerpaaq

Allaaserisaq tamaat Sermitsiami atuaruk, taanna ullumi pisiniarfimmi pisiarisinnaavat. Aviisi uani pisiarinissaanut aamma periarfissaqarputit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER