akitsuutit
Qaleralinnut akitsuut nutaaq akuerineqartoq
Naalakkersuisut naatsorsuutigaat, qaleralinniarnermit akitsuuseeqqittoqarneratigut 20 millionit koruuninik isertitsisoqassasoq
Ippassaq marlunngornermi Inatsisartuni taasisoqarpoq, amerlanerussuteqartunillu qaleralinnut akitsuutissatut siunnersuutigineqartoq akuerineqarpoq.
Naalakkersuisooqatigiit naatsorsuutigaat, qaleralinnut akitsuut 20 millionit koruuninik nunap karsianut isertsitsissutaassasoq.
Atuaruk: Halibut Greenland akitsuutinut nutaanut aarlerisaarivoq
Siunnersuummut akerliusut
Partiit marluk akerliullutik taasipput - IA aamma Partii Naleraq. IA Naalakkersuisunit isertitassanut neriuuteqannginnerunertik pissutigalugu, aammalu avataani aalisarnikkut akitsuutit akilerneqarnerunissaat kissaatiginerugaluaramikku.
Maanna qaleralinnik tunisat 5 procentii nunap karsianut tunniunneqartalissapput.
Atuaruk: Aalisarnermut Siunnersuisooqatigiit: Akitsuut nutaaq tukappoq
Kingusinnerusukkut pingasunngornermi ullaap tungaani aningaasaqarnermut naalakkersuisoq, Vittus Qujaukitsoq (S), aningaasanut inatsit naammassisaq, amerlanerussuteqartunit aammalu immaqa Inuit Ataqatigiinnit tapersersorneqartoq saqqummiunneqarnissaa naatsorsuutigineqarpoq.
Atuaruk: IA-p aningaasanut inatsit akuerinissaanut marlunnik piumasaqaateqarput