Aalisarnermut Siunnersuisooqatigiit: Akitsuut nutaaq tukappoq

Aalisarnermut Siunnersuisooqatigiit qaleralinnut akitsuusersuinissamut Naalakkersuisut siunnersuutaat torrallataannginnerarpaat.

Politikerit siunnersuutigaat sinerissap qanittuani avataanilu qaleralinniartunut tunisinermut akigititap 5 procentia akileraarutaassasoq.

Pinngitsoortinneqarsinnaagaluartoq
- Aalisarnermik Siunnersuisooqatigiit isumaqarput qaleralinnut akitsuusiinissamik suliaq tukattumik ingerlasimasoq, tamannalu pinaveersaartinneqarsimassagaluarluni aalisarnermik suliaqartut siusissukkut oqaloqatigineqarsiagaluarpata, siunnersuisooqatigiit siulittaasoqarfianit, Bent Sørensenimit Sulisitsisuneersumit aamma Petrus Biilmannimit KNAPK-mmersumit naqissuserneqarpoq.

Siunnersuisooqatigiit ilanngullugu tikkuartorpaat, aalisarnermiik akileraarutinik eqqussiniarneq aalisarnermut tamakkiisumut aningaasartuuteqarnerulersitsisoq.

Atuaruk: Halibutimi pisortaq: Aningaasaateqarfiunngilagut

Aaqqissuussaanera kukkusoq
Aalisarnermut Siunnersuisooqatigiit aamma isornartorsiorpaat, kaammattuutigalugulu akileraarut kilomut aaliangersimasuussasoq.

- Kilomut akileraarusersuinermi tuniniaavinni equngasoqalernissaa pinngitsoortinneqarsinnaavoq, tassami akit assigiinngissinnaammata piffinni tuniniaanermi pissutsit assigiinngissinnaammata, taamatullu assartuinermi tunngasut. Kilomut akileraarut tunisat aallaavigalugit naatsorsorneqartoq napertuunnerusumik eqquissaaq, siunnersuisooqatigiit isumaqarput.

Tapersiisut
Sulisitsisut kattuffiat Nusuka, siunnersuisooqatigiit siunnersuutaata isornartorsiuinerat taperserpaat.

- Nusukamiit inassutigissavarput 50 ørimik assigiimmik akitsuusiinissaq ingerlanneqassasoq, politikerit qalerallit suliarineqanngitsut aamma suliarineqarsimasut assigiinngissusaat paasisinnaanngippassut, kattuffiup siulittaasua Gerth B. Lynge erseqqissaavoq.

Atuaruk: Halibut Greenland akitsuutinut nutaanut aarlerisaarivoq