Skip to main content

Nunaminerals nutaamik pisortartaarpoq

Ingerlatsivik aatsitassanik ujaarlernimik suliaqartoq, maanna akilersuinermik unitsitseqqasoq nutaamik pisortamik atorfinitsitsivoq kiisalu nutaamik siulittaasortaarluni

Nunamineralsimi ingerlanerliortumi Ross Iannello pisortanngorpoq, suliffeqarfik siornali maajimi akilersuinerminik unitsitsinikuuvoq.

Ole Christiansen 1999-imili ingerlatsivimmi aatsitassanik ujaarlernimik suliaqartumi pisortaasimasoq, taassuma taarserpaa.

Ross Iannello ukiut 30-t sinnerlugit suliffeqarfinni assigiinngitsuni misilittagaqarpoq, soorlu telekommunikation, aningaasaateqarfiit aammalu aningaasaqarneq, inunnik sillimmasiisarfinni aamma piaaffinnik ingerlatsinermi. Taanna universitetimi aningaasaqarnermut tunngasumik ilinniarsimasuuvoq aamma nittarsaassinermi MBA-mik ilinniarsimasuuvoq.

Siulersuisuni siulittaasoq nutaaq
Tamatuma saniatigut siulersuisuni ilaasortaq, David Winduss ingerlatsivimmi aningaasaqarnermut pisortaagallassaaq, pisortanngortussap nassaarineqarnissaata tungaanut.

Siulersuisut aaqqissuussaanerat allatut inissinneqarsimasoq saniatigut ilisimatitsissutigineqarpoq, tassani Chris Williamsip Allan Biggar siulersuisut siulittaasuattut taarserpaa.

Atuaruk: Pisortaaneq Ole Christiansen Nunamineralsimit tunuarpoq

Chris Williams ukiut 18-t sinnerlugit aqutsinermik aamma qullersaqarfinni sulinermik misilittagaqarpoq. Taanna aliikkusersuinermik suliaqarfimmi, LED aamma skærmteknologimi, ilisimatusarnermi aamma ineriartortitsinermi, nittarsaassinermi piiaaffinnillu ingerlatsinermi annertuumik misilittagaqarpoq.

Atuaruk: Tuluit piginnittut qaammammik ataatsimik periarfissinneqaqqipput

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER