Skip to main content

Pisortaaneq Ole Christiansen Nunamineralsimit tunuarpoq

Pisortaanertut tunuarniuteqarsimalluni Ole Christiansenip Nunamineralsimi siulersuisut nalunaarfigai

Suliffeqarfik matuneqariaannaasoq, Nunaminerals, nutaamik pisortaanissarsiortussanngorpoq. 

Ole Christiansenip pisortaanertut tunuarniuteqarsimanini siulersuisunut nalunaarutigisimagaa Nunaminerals nalunaarpoq. 

Ole Christiansen soraarniarnermini qaammatini aqqaneq-marlunnik sivisussuseqartussami pisortaaneratut ingerlaannassaaq. Siulersuisut allatut isumaqatigiissuteqarfigineqanngippata 2016-imi februaarip aallaqqaataani atuutilersumik suliunnaavissaaq. 

Pisut nalilersorneqassapput
Namminersorlutik Oqartussanit ilaannakortumik pigineqartoq, Nunaminerals A/S, aktiaataat aktiamut ataatsimut 5 koruunimit 10 oorinut appartinneqartoq januaarip 29-ani nalunaarutigineqarpoq. Ingerlatsiveqatigiiffiup nammineq aningaasaatai 137.954.700-ninit 2.759.094 koruuninut appartinneqarput, taakkulu annaasanut matussusissapput. 

Namminersorlutik Oqartussat aamma Greenland Holding A/S-ip aningaasat atukkiussaat januaarimut killeqartut amerlineqassanngitsut aamma nalunaarutigineqarpoq. 

- Ingerlatsiveqatigiiffiup inissisimanera pillugu siulersuisuni ilaasortaasut nalilersuissapput. Piffissaq sivisunngitsoq qaangiuppat tusarliussisoqassaaq, Nunaminerals allappoq. 

Nunaminerals 1999-mi ingerlatsiveqatigiiffinngortoq Nasdaq OMX Copenhagen A/S-imi nalunaarsorneqartuuvoq.

Ole Christiansenip apersorneqarnissaa Sermitsiaq.AG-mit sulissutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER