numaminerals

Tuluit piginnittut qaammammik ataatsimik periarfissinneqaqqipput

Nunaminerals piffissamik salliuniarnermi inissisimavoq - salliuniarneq takisooq

Nunamineralsimi immikkut ittumik ataatsimeersuarneq kingulleq

Nunamineralsip immikkut ittumik Nuummi ataatsimiinnerani 'annanneqartutut' nalilerneqarmat, ullumikkut qaammatit marluk qaangiupput. Aqqutissalli suli takinera oqaatigisariaqarpoq.

Atuaruk: Piginneqataasut 3.000-t sapaatip akunneri marlussuit pissangagallassapput

Suliffeqarfik taanna ingerlanngitsoq, siornatigut nunatsinni ingerlatsiviit ingerlarsornersaasa ilagisimasaat, ukiumi ataatsimi akiitsunut akiliinissamut aningaasanik ujaarlerpoq, ingerlatsivimmik minnerusumik ingerlassinissaq anguniarlugu.

Suliffeqarfiup Grep, Greenland Rare Earth Projectimit tiguneqangajalersup marlunngornermi nalunaarutigaa, akilersuiunnaarneq qaammammik ataatsimik aammaarluni sivitsorteqqissimagaa.

Februaarimut killilerneqartoq
- NunaMinerals A/S-ip akiliisinnaajunnaartutut nalunaarutigineqarnerata atuuttussaanerata 2016-imi februaarip 29-ata tungaanut sivitsorneqarnera, Kalaallit Nunaanni Eqqartuussiviup aalajangerpaa, suliffeqarfik børsimut nalunaarummini allappoq.

Aatsitassarsiornermik ingerlatsivik apriilip 19-ni 2015-imi akiliisinnaajunnaartutut nalunaarutigineqarpoq. Kingornalu piginnittut taarseraattut ingerlatsiviup akuersissutit pigisai nunatsinni aallartinneqarnissaat misilittaraluarpaa, iluatsippianngitsumilli.

Powered by Labrador CMS