Skip to main content

Nathanielsenip aana kingoraartissaa

Inatsisartuni upernaakkut ataatsimiinnerup kingorna Naaja Nathanielsen tunuarpat, inaa Deborah Kleistimit tiguneqassaaq

Inatsisartuni ukiakkut ataatsimiinneq aallartippat, Inuit Ataqatigiit qinigassanngortitaat, Deborah Kleist, 2014-imi qinersinermi 60-inik taaguunneqartoq isissaaq.

Atuaruk: Naaja Nathanielsenip IA qimappaa

Tunuartoq
Taassuma Naaja Nathanielsen, Inuit Ataqatigiinnit tunuarluni nalunaartoq kingoraassavaa. Upernaakkut ataatsimiinnissami taanna attaviitsuussaaq, siunnersuutit arlallit saqqummiutissallugit. Tamatumalu kingorna Inatsisartunit tunuassaaq politikkimiillu tunuavilluni.

Atuaruk: Olsvig: Naajap aalajangernera ataqqivarput

Deborah Kleist ullumikkut Kommune Kujallermi kommunalbestyrelsimut ilaasortaavoq. Inatsisartunut 2009-imi qinersinerup kingorna sinniisut siulliattut inissippoq, piffissap ilaanilu ilaasortaagallarluni.

Pingajussaat
2014-imi Inatsisartunut qinersinerup kingorna, Inuit Ataqatigiit sinniisuminnik pingajussaat atuipput.

Sinniisuni siulleq Múte Bourup Egedep Juliane Henningsen taarserpaa, taanna oktoberimi 2015-imi Inatsisartunit Halibut Greenlandimi sulilerluni tunuarpoq.

Folketingi
Sinniisullu aappaata Hans Aronsenip Aaja Chemnitz Larsenip inaa tigunikuuaa, taanna Inatsisartuni sulinngiffeqarpoq, juunimi 2015-imi Folketingimut qinersinermi qinigaanini pissutigalugu.

Atuaruk: Aaja Aleqalu Folketingimut ilaasortanngortut

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER