tunuarneq
Olsvig: Naajap aalajangernera ataqqivarput
Naaja Nathanielsenip aninera, partiip illuatungiliuttup tusaatissatut tiguaa
Inuit Ataqatigiit aqutsisuisa, partiip Inatsisartuni ilaasortaatitaasa nuimasortaasa ilaat, Naaja Nathanielsenip, IA qimanniarlugu aalajangernera tusaatissatut tiguaat.
Atuaruk: Naaja Nathanielsenip IA qimappaa
Attaviitsoq
Inatsisartut upernaakkut ataatsimiinneranni Naaja Nathanielsen attaviitsutut ingerlaqqissaaq, siunnersuutigisani arlaqartut pissutigalugit. Taassuma kingorna Inatsisartunit tunuassaaq, IA-milu sinniisup inissaq tigussavaa.
Ataqqigaa
- Naajap aalajangernera aalajangerneranullu peqqutaasoq ataqqilluinnarpara. Naajap politikkikkut partiitsinni suleqataalluarsimaneranut qujassuteqarfigerusuppara, qinikkatut kattuffimmilu siulersuisuunernut ilaasortatut. Naaja aamma attaviitsunngoraluartoq suleqatigilluassallugu qilanaaraara, IA-p siulittaasua Sara Olsvig tusagassiuutinut nalunaarummi ilisimatitsivoq.
Sulineq ingerlateqqissagaat
- Inuit Ataqatigiit parteerput angivoq suliassanillu nangitsinissamut nukissanik ulikkaarpugut, Naaja maqaasinartussaagaluartoq. Inatsisartuni upernaami ataatsimiinnissarput Inuit Ataqatigiinnit annertuunik amerlasuunillu saqqummiussiffigisassatsinnut qilanaarpunga, siulittaasoq ilanngullugu oqarpoq.
Atuaruk: Naajap pisortat atuarfiutaat taamaatiinnarpaa