akerleriinneq
Kim: Siulittaasussarsiornissamut qilanaarpunga
Politikkikkut eqqissisimanngitsoqaraluartoq Naalakkersuisut siulittaasuat qinersisitsilersaanngilaq. Nunatsinni politikkerit qullerisaat isumaqarpoq qinigaaffiup sinnera naalakkersuisooqatigiit atasinnaasut
Kim Kielsen aqutseriaatsiminik allannguilersaanngilaq aqutserusukkaluarluni iluamik aqutsisinnaanngitsutut isornartorsiorneqaraluarluni. Ukiup affaata kingulliup ingerlanerani arlaleriarluni Naalakkersuisuni ilaasortanik soraarsitsisarlunilu nutaanik toqqaasarpoq avataaniit malinnaasut sangujoraarnertut taasagaannik. Taassuma saniatigut Siumumi siulittaasutut unammillerneqalerpoq.
- Unammilleqatigiinneq peqqinnartuuvoq Siumullu ataatsimeersuarnissaanut qilanaarpunga. Immikkut ittumik 2014-mi ataatsimeersuartoqarmat siulittaasunngorniuttut sisamaavugut. Tassani siulittaasunngorama tapersersorneqarluarpunga aamma nalunaarutigereersinnaavara siulittaasutut sassaqqissagama, Kim Kielsen Naalakkersuisut siulittaasuattut ingerlaqqikkusuttoq oqarpoq.
Aamma atuaruk: Siumumi eqqissiviilliorneq: Vittup Kim Kielsen uppisinnissaanut piareersimavoq
Inuit Ataqatigiit sinnerlugit siornatigut Naalakkersuisuni siulittaasoq Kuupik Kleist sapaatip akunnera kingulleq AG-mi saqqummersumi Kim Kielsenimut siunnersuuteqarpoq piaartumik qinersisitsequllugu partiimilu ataatsimeersuarneq piaartumik naammassiniaqqullugu.
Kuupik Kleist isumaqarpoq Naalakkersuisuni taarseraannerup naalakkersuisoqarfinni sulineq kinguarsaraa.
Aamma atuaruk: Kimmip Siumumi siulittaasuuginnarnissaa tapersersorneqartoq
- Politikkikkut sulineq ukiorpassuarnik namminiilivikkiartornermut tunngasuuvoq. Naalakkersuisuni siulittaasuusartuni siullersaallunga namminiilivinnermut naalakkersuisoqarfimmik pilersitsivunga sammisaq taanna pingaartikkakku. Nutaaliorpugut taamaasillunga naalakkersuisooqatigiinnissamik Inuit Ataqatigiit Partii Nalerarlu isumaqatigiissupput tunulequtaralugu tamanna pilersillugu. Naalakkersuisuni siulittaasuusarsimasut namminiilivinnermut naalakkersuisoqarfiliornikuunngillat, Kim Kielsen AG-mut oqarpoq.
Kim Kielsenip pisup pillugit naliliinera AG-mi atuarsinnaavat: