Skip to main content

Kimmip Siumumi siulittaasuuginnarnissaa tapersersorneqartoq

Sermitsiaq.AG-mi atuartartut isumaqarput Kim Kielsen Siumumi siulittaasuuginnassasoq. Vittus Qujaukitsoq ikitsuinnarnit tapersersorneqarpoq.

Kim Kielsen Siumumi siulittaasuuginnassaaq. 

Taama Sermitsiaq.AG-mi atuartartut netsikkut toqqaanerminni isumaqarput. 

Arfininngornermi nalunaaqutaq 8:45 kisitsisit takutippaat taasisut 43 procentii isumaqartut Kim Kielsen partiimi siuttuusumi siulittaasuuginnassasoq. 

Qaammatini kingullerni siulittaasoq isornartorsiorneqaqattaarpoq, ataasinngormallu Vittus Qujaukitsoq Naalakkersuisuni ilaasortaajunnaarami Kim Kielsen siulittaasutut unammillissallugu piareersimanerarluni oqaatigalugu. 

Siumut aggustimi ataatsimeersualerpat siulittaasutut qinissappassuk innuttaasut isumaqataatinniarsarinissaat taassumunnga unamminartussaassagunarpoq. Tassami atuartartutta 21 procentiinnaasa siulittaasutut taanna piukkuppaat.

Vittus Qujaukitsoq eqqaassanngikkaanni allamik siulittaasuusinnaasumik peqalernissaa atuartartutsinnit soqutigineqarneruvoq. Tassami taasisut 36 procentiisa siulittaasutut suli imminut piukkussimanngitsumik sassartoqarnissaa kissaatigaat.

Taassumali saniatigut Kim Kielsen 6 procentpointimik suli siuarsimavoq.

Erseqqissaatigilaassavarpulli misissuineq amerlanerussuteqartunit taasititsinerunngimmat taamaallaalli netsikkut ingerlanneqarmat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER