Politikki
Siumumi eqqissiviilliorneq: Vittup Kim Kielsen uppisinnissaanut piareersimavoq
Kim Kielsenip nunanut allanut tunngasunut akisussaaffik arsaarinnissutiginiarmagu, Vittus Qujaukitsoq kamalluni Naalakkersuisunit tunuarpoq. Tamatuma saniatigut Siumumi nuna tamakkerlugu ataatsimiittoqalerpat Kim Kielsen uppiseriarniarpaa.
Vittus Qujaukitsup Naalakkersuisuni tunuarniarluni Facebookimi quppernermini ataasinngornermi ullaakkut ilisimatitsissutigaa. Nassuiaateqaqqiganilu. Kisianni maanna sooq politikkimit tunuarallarnera KNR-imi radioavisikkut saqqummiunneqarpoq.
Ilungersorluni sulisimasoq
- Tamanna nalilerpara akisussaaffimmik iluatsinnissaanut ilungersuutigisimasannik arsaarsinerusoq. Pisullu ima nalilerpakka, naalakkersuisuniikkunnaassallunga, KNR-imut taama oqarpoq.
Siulittaasup taassumalu akornanni illersornissamut politikkimi aamma naalagaaffeqatigiinnermut tunngasunut ammasumik akerleriittoqarsimasoq, taassuma aamma oqaluttuaraa.
- Periarfissaq tamanna ammatippara, Vittus Qujaukitsoq Sermitsiaq.AG-mut oqarpoq.
- Qaffasissumik eqqarsartoqarsinnaavoq, taanna oqarpoq.
Oqallitsitsingaatsiartoq
Vittus Qujaukitsoq 2016-ip naalernerani danskit aviisiannit Politikenimit apersorneqarnerminut atatillugu oqallitsitsingaatsiarpoq.
Vittus Qujaukitsoq tassani Kim Kielsenip kingusinnerusukkut akerlilersugaanik oqariartuuteqarpoq, tassani Vittus Qujaukitsup Naalakkersuisut tusarniaqqaarsimannginnamigit.
Aamma atuaruk: Vittup Danmark USA-lu sioorasaarpai
Ullaap tungaani Kim Kielsenip nikisitsinerani paasinarsivoq, Vittus Qujaukitsup akisussaaffigisimasaata amerlanerpaartai Hans Enoksenip tigugai - nunanut allanut tunngasorli pinnagu, taanna Suka K. Frederiksenip akisussaaffigilerpaa.
Aamma atuaruk: Karl-Kristian Kruse naalakkersuisunngoqqittoq