Arctic Winter Games
Kalaallit Nunaat futsalimi semifinalemut piareertoq
Niviarsiaqqat juniorit ajoraluartumik futsalimi unammiuaarnermi pingasunngormat ingerlaqqinngitsoorput. Kalaallit unammisartut sinneri semifinalenut piareerput
Kalaallit futsalimi unammeqataasut holdit tallimaasunit sisamat semifinalenut piareerput, taakkut ullumikkut sisamanngornermi ingerlanneqassapput.
Unamminerit Nuummi timersortarfimmi ingerlanneqassapput.
Niviarsiaqqat juniorit pingasunngornermi ajoraluartumik ingerlaqqinngitsoorput, ujaminnanniunnernullu ilaajunnaarput.
Semifinalet
Niviarsiaqqat akulliit semifinalemi saamit unammissavaat. Pingasunngornermi taakkut imminnut unammipput, tassani saami 1-4-mik ajugaapput.
Niviarsiaqqani nukarlerni kalaallit Yukonimut semifinalemi unammissapput.
Atuaruk: Futsal-ertartut ujaminnanniassapput
Nukappiaqqat ajugaaffigineqanngitsut
Nukappiaqqat kalaallit Arctic Winter Gamesimi futsalimi suli ajorsanngillat.
Nukappiaqqani nukarliit unamminerni siullerni pointit amerlanerpaat pissarsiarisinnaasatik pivaat, taakku Northwest Terittories unammissavaat. Ajugaaniutivinnissamut anngunniunnerup aappaani Alaska aamma Yukon unammissapput.
Nukappiaqqat juniorit aamma pointit pissarsiarisinnaasatik tamaasa pissarsiaraat, taamatullu Northwest Terittories unammissavaat, ajugaaniutivinnissamut anngunniunnerup aappaani Alaska aamma Yukon unammissapput.
Atuaruk: Futsalertartoq kisimi sungiusartariaqartartoq naapiguk