vejen mod awg
Futsalertartoq kisimi sungiusartariaqartartoq naapiguk
Kalaallit futsalertartui sinerissami kilometerinik tusintilikkaanik avissaartuuteqqapput. Tamatuma timersoqatigiittut sungiusarneq ajornakusoortippaa, taamaattumillu Qeqertarsuarmioq Malik Mølgaard kisimi AWG-mut sungiusartariaqarpoq
Arctic Winter Games 2014 Fairbanksimi Alaskami taamani Malik Mølgaard Lennertimut 14-inik ukiulimmut, siullermik illup iluani arsarnermut unammiuaaqataaqqaarnera pissanganarsimavoq.
Maanna una AWG aappassaanik peqataasumut suli pissanganarneruvoq.
- Ukiut marluk matuma siorna arsalerlunga pissangasorujussuullunga eqqaamavara. Massakkut piareersimanerullunga misigisimavunga, siornatigornit sungiusarnerugama, taanna Ulu Newsimut oqarpoq.
Atukkat ajornartut
Sungiusaraangami kisimiittarpoq - tassami unammisartoqatai kilometerinik hunnorujulikkaanik ungasitsigisumiikkamik.
Taamaattumik Malik arpalluni, nukkassarluni aamma kammalaatini arsaqatigalugit sungisartarpoq. AWG aallartinnginnerani unammeqatissani siullermik naapippai.
Taamaattumillu sungiusarlutik angumerisassarpassuaqarput.
Qeqertarsuarmi kisimi futsalertartoq
Malik Mølgaard Lennert AWG-mi futsaleqataasut Qeqertarsuarmiortatuaraat. Taamaattumillu nammineq sungiusartariaqarpoq.
- 2014-imi arsartorujussuuvunga, kingornalu uninngalaarpunga. Nunanut allanut unammisartuni sungiusaasoq, G-44-mi inersimasut arsartartut sungiusarai 2015-imi ataasiaannarlunga naapippara, Malik Mølgaard Lennert oqarpoq.
Piffimmi futsalertartoqateqartoq
- Qanoq oqarnersoq eqqaamaqqissaanngilara, kisianni AWG 2016-mut peqataanissannut qilanaarpoq.
Kalaallit Nunaata futsalimi unammisartui maanna ulluni marlunni Nuummi unammereerput, taamaattumillu ataatsimoornerullutik. Siornatigutllu Qeqertarsuarmiup unammisartoqatini marluk Ilulissaneersut nalunngilai.
Malik Mølgaard Lennert arfineq-marlunnik ukioqarluni arsartalerpoq.
Atuaruk: AWG-p nutaassiassaqartitsivia, Ulu News
AWG-mi nutaarsiassat kingulliit:
14-inik ukiulimmut Qooqumut kuulti aamma sisorarfimmi rekorti
Jonas Strømsted kuultinnareerluni: 'Nuannaaqaanga'