Arctic Winter Games
Futsal-ertartut ujaminnanniassapput
Nukappissani holdit peqataasut marluk Arctic Winter Gamesimi suli ajorsartinneqanngillat
Arctic Winter Gamesimi fultsalimi aallarnisaataasumik unamminerit kingulliit pingasunngornermi ingerlanneqassapput.
Nukappissani holdit marluk unammiuaarnermi suli ajorsartinneqanngillat, sisamanngornermilu semifinalernissanut anngutereerlutik. Nukappiaqqani nukarliit Alaska nal. 18.42 unammissavaat, inuusuttuaqqallu marloriarlutik unammissapput, NWT aamma Yukon unammissallugit.
Unamminissat pissanganartut
Akerlianik nivissani holdit pingasut semifinalimut anngunnissaminnut ajornartorsiorsinnaapput. Inuusuttuaqqani nivissat Yukon unammissavaat, tassanilu naligiiginnarunik semifinalimut anngutissapput.
niviarsiaqqat nukarliit, aamma ujaminnanniarnissamut piareereersut, Alaska unammissavaat, nivissanilu akunnattumik inissisimasut saamit unammissavaat. Alaska unamminermi ajugaappat, nivissallu aappaat ajorsarpata, kalaallit nivissat unammiuaarnermit anisitaassapput.
Unamminerit tamarmik Nuup Timersortarfissuani ingerlanneqarput.