Skip to main content

Isumaqatigiinniarnerni tusarniaasarnissat neriorsuutigineqartut

Siunissami kiffartuussinermut isumaqatigiissutit isumaqatigiissutiginiarneqarnerini innuttaasunik tusarniaasoqartalernissaa atorneqalertariaqartoq, attaveqarnermut naalakkersuisuugallartoq Múte Bourup Egede (IA) sapaatip-akunnerata aallartinnerani Qeqertarsuarmi innuttaasunik ataatsimiititsigami oqarpoq.

Sermitsiaq.AG-p pingasunngornermi allaaserinninneratut, attaveqarnermut naalakkersuisoq Múte Bourup Egede (IA), angallannermi ajornartorsiutit pillugit Qeqertarsuarmi innuttaasunik ataatsimiititsivoq.

Innuttaasunik ataatsimiititsinermi inuit 80-100 akornanni peqataapput.

Múte Bourup Egedep tassani politikkikkut anguniakkat ingerlareersut ingerlanneqalertussallu saqqumiuppai.

Innuttaasunik ataatsimiititseqarnerani peqataasut ilaata ungasissumut isigaluni angallannermut politikkimut iliuuseqartoqartariaqartoq, taakkulu partiimi politikkit avataaniissasut.

Atuaruk: Qeqertarsuup Disko Line naammatsiffigaa

Najukkami ilisimasat
- Paasissutissarpassuit pissarsiarisavut aaqqissuutissapput Nalakkersuisullu ataatsimiinnissaani ilisimatitsissutit ilanngunneqassasut, Múte Bourup Egede Namminersorlutik Oqartussaannit tusagassiuutinut nalunaarummi oqarpoq.

Innuttaasunik aamma qanimut suleqateqartoqassaaq.

Tassami attaveqaqatigiinnermut naalakkersuisup oqaatigaa, ''siunisami sullissinissamut isumaqatigiissutissanik piareersaanissanut innuttaasunut tusarniaasarnissaq ilannguttariaqartoq.''

Atuaruk: Disko Linemut naammagittaalliorsinnaaneq ajornannginnerulissaaq

Atuaruk: Disko Line nakkutigineqartorujussuuvoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER