Skip to main content

Disko Line nakkutigineqartorujussuuvoq

Disko Linep angallannermi kiffartuussinissamik isumaqatigiissutit nutaat atorlugit takorloorneqarsinnaasuni aatsaat taama kinguaattoortaqattaarlutillu allartinnerliortigereersoq ingerlatseqatigiiffimmit nassuiaasoqarnissaa Naalakkersuisut piumasarivaat

Disko Linep Qeqertarsuup Tunuani aamma Kujataani ilaasunik angallassinernut kiffartuussinissamik isumaqatigiissutit naammassisimanerai qanittukkut Naalakkersuisut isummerfigissavaat.

Tamanna arlaleriarluni kinguaattoortoqartareersoq aamma ilaasussanut paasissutissat amigarnerisa kingorna pissaaq. Maannaakkut nassuiaasiortoqarpoq taannalu sapaatit akunnerani matumani Naalakkersuisunut tunniunneqassaaq.

Atuaruk: Lund Olsen: Angallannermut aaqqiisoqalerpoq

Disko Linep Qeqertarsuup Tunuani aamma Kujataani ilaasunik sullissinera tusagassiuutinik assorujussuaq oqallisaavoq, minnerunngitsumik inuit attaveqaataanni, tassani ingerlatseqatigiiffimmi pisussaaffiit naammassineqarsimanngitsut inuppassuit isumaqarput.

Atuaruk: Kajumissaat: Naalakkersuisoq tunuartariaqarpoq

Inatsisartuni ilaasortap Ane Hansenip, Inuit Ataqatigiit, angallassinermi kiffartuussinissamik isumaqatigiissutit Naalakkersuisunut atorunnaarseqquai.

- Angallannermi kiffartuussinissamik isumaqatigiissutit maannakkut atorunnaarsinnissaannik pilersaaruteqanngilagut. Isumaqatigiissutinik atorunnaarsitsineq Nunatta Karsianut amerlasuunik immikkut aningaasartuutaassaaq. Isumaqatigiissutit atorunnaarsikkaanni taava aamma immikkut aningaasartuutissanut aningaasat suminngaanniit aaneqarnissaat innersuussutigineqarsinnaasariaqarpoq, Attaveqarnermut Naalakkersuisoq Martha Lund Olsen, Siumut, oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER