Ilinniarneq
Inuusuttut amerlanerusut ilinniarsimanatillu suliffeqanngillat
Meeqqat atuarfiat Piareersarfillu iluatsitsisimanngillat. Inuusuttut ilinnialersimanngitsut imaluunniit suliffeqanngitsut ukiuni tallimani kingullerni amerleriarujussuarsimapput. Taamatut ineriartortoqarnera alianarluinnarpoq, Sulisitsisuni pisortaq oqarpoq
Inuusuttut 16-it 18-illu akornanni ukioqartut ilinnialersimanngitsut, efterskolernatilluunniit suliffeqanngitsut ukiuni kingullerni tallimani amerlipiloorsimapput 44 procentiniiit 52 procentinut, Nunatsinni Naatsorsueqqissaartarfiup kisitsisaataasa 2016-imut Aningaasaqarnikkut politikkikkullu nalunaarusiap takutippaa.
Nalunaarusiaq naapertorlugu ‘tamanna inuusuttumut namminermut, ilinniartitaanikkut pilersaarutini anguniakkanut naggataagullu inuiaqatigiinnut erloqinartutut nalilerneqarsinnaavoq’.
Atuaruk: Meeqqat atuarfiannut ukioq pingaarutilik
Ineriartorneq nuanniitsupilussuaq
Tamanna Kalaallit Nunaanni Sulisitsisut pisortaata Brian Buus Pedersenip isumaqatigilluinnarpaa.
– Taamatut paasitinneqarneq nuanniitsupilussuuvoq, sivisuumimmi oqaluuseralugulu upperisimavarput ilinniartitaanikkut ilorraap tungaanut ingerlasugut. Inuiaqatigiittut meeqqat atuarfianut ilinniartitaanermullu annertuumik aningaasaliisarsimavugut.
Atuaruk: Meeqqat atuarfiat tunniutiinnartoq
– Taamaattumik aningaasanik sipaarniartoqarsimanera peqqutaasoq oqartoqarsinnaanngilaq. Akerlianilli. Nunatsinni suliffeqarfinnut ingammik alianarpoq taakkumi maannakkorpiaq sulisussanik amigaateqarput amerlanertigullu suliassamut aalajangersimasumut avataaniit sulisussarsiortariaqartarlutik.
Allaaserisaq tamaat Sermitsiami saqqummertumi kingullermi atuaruk. Aviisi aamma uani pisiarisinnaavat: