Skip to main content

Meeqqat atuarfiat tunniutiinnartoq

Atuarfeqarnermik aaqqissuusseqqinnermik 2002-meersumik nalilersuineq qangali utaqqisaasoq kiisami pingasunngornermi tamanut saqqummiunneqarpoq. Nalilersuinermi meeqqat atuarfiat ajornarsiortorujussuaq, sammivinnut assigiinngitsorpassuarnut isornartorsiuiffiusoq pisuutitsiniarfiusorlu, nuannerpallaanngitsumik allaaserineqarpoq

Kommunit atuarfinnik nakkutilliinerat iluatsinngitsoor- luinnarpoq, taamaattumik kommunini upalungaarsartoqartariaqarpoq imaluunniit suliassaq allamut isumagisassanngortinneqartariaqarluni. Taama suliffeqarfimmit nalilersuisarfimmit EVA-mit nalunaarusiami qangalili utaqqisaasumik paatsuugassaanngitsumik allassimasoqarpoq, tassanilu meeqqat atuarfiat avissaartuuffiulluinnarsimasoq oqaluttuarineqarluni.

Ilinniartitsisut isumaqarput meeqqat angajoqqaallu ajornartorsiutinut ilarpassuinut pisuusut, akerlianilli angajoqqaat ilinniartitsisunik isornartorsiuillutik aaqqissugaanngippallaartumik tunniussimannginnerpallaartumillu sulinerarlugit. Atuarfiit pisortaat isumaqarput, perorsaanikkut aqutsinissamut naammattumik piffissaqarnatik, ilinniartitsisullu pisortanut isornartorsiuinerminni oqarlutik, pisortat attaveqarnissamut sammivissanillu takutit sinissamut pikkorluppallaartut. 

Nalilersuineq naapertorlugu kommunini nakkutilliineq atuutinngilluinnarpoq, kommunillu politikkikkut, periusissiatigut perorsaanikkullu meeqqanut atuarfiannut suliassaminnik kivitsiniarnerminni annertoorujussuarmik sumiginnaallutik.

Sumiginnaanernut tamakkununnga eqqugaasut tassaapput atuartut, atuartinneqarnissaminnik ilinniartinneqarnissaminnillu, annaasaqartut.

Nalilersuinermi inerniliussat pillugit Sermitsiami allaaserisanik atuarit, aviisi ugguuna pisarisinnaavat:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER