Skip to main content

Inuusuttuni siulittaasutut tunualersoq: Siumut taamaattumik peqatigaarput

Rasmus Dalsgaard Andersen (D) Demokraatit inuusuttaanni siulittaasutut taamaatilerpoq, kommunimullu qinersinissap tullianut qinigassanngortissalluni. Partiip maanna inissisimaneranut tatiginnippoq

- Malittarisassat malillugit inuusuttut siulittaasuutillunga kommunalbestyrelsimut qinigassanngortissinnaanngilanga. Taamaammat tassanngaanniit tunuartariaqarpunga.

Kommunimi politikkimik Sermersuumi misiliiniarluni aalajangernerminut tunngatillugu, Rasmus Dalsgaard Andersen Demokraatineersoq taama oqarpoq. 

Inuusuttuni siulittaasoq ukiakkut 2014-imili siulittaasunngorpoq, tassani Randi Vestergaard Evaldsen, ukioq ataaseq siulittaasuusimasoq taarserpaa.

Atuaruk: Politikerit misilittagartuut isornartorsiorai

Atuaruk: Justus Hansen: Siumut suleqatigilluarpara

Aqutsilerniartoq
Sermersuup Kitaani partiinik immikkoortortaqarfiani ulapputtoqarlunilu taarseraattoqarsimaneranik Rasmus Dalsgaard Andersen Sermitsiaq.AG-mut oqarpoq, aammalu najukkami siulittaasussatut maannamut qinigassanngortittuni kisimiinnerarpoq.

- Ukioq ataaseq affarlu qaangiuppat kommunimut qinersinissaq sioqqullugu, ataatsimik aqutsisussamik pisariaqartitsisoqarpoq, Rasmus Dalsgaard Andersen, aasaq folketingimut qinersinermi 246-nik taaneqartoq taama oqarpoq. 

 

Nuummi taasisut
- Taasisima amerlanerpaartaat Nuumminngaanneerput, taakkulu inuit qineqqittuuguninnga kommunimi politikkimut isernissannut periarfissaqarluarpunga.

Nuna tamakkerlugumi politikki?
Rasmus Dalsgaard Andersenip Nuummi Demokraatit aqutarilissanerai, najukkami februaarip arfineq-pingajuanni ataatsimeersuartoqarnerani aalajangerneqassaaq.

Ullut sisamallu qaangiunnerani immikkut ittumik nuna tamakkerlugu ataatsimiinnermi, Anda Uldumip oktobarimi siorna politikkimit tunuarnerata kingorna, partiimi kina siulittaasuussanersoq aalajangerneqassaaq.

Tunuliaquttat
Taamaattumillu politikkikkut tunuliaquttani susoqarnersoq, amerlasuut tusassallugu alapernaapput. Politikkikkullu oqariartuuteqarnerit annikissimapput.

Atuaruk: Inuusuttut siulittaasuat uumissorneqartoq

'Immikkoortitaartoqanngitsoq'
Sermitsiaq.AG-p inuusuttuni siulittaasoq misilillugu apersoraluarpaa, siulittaasumut qinersinermi aalajangiisuusinnaasunik, partiimi immikkoortitaartoqarnersoq.

- Naamik, isumaqanngilanga taamaattoqartoq.

Demokraatit Siumumik suleqateqarnerat qanoq igaajuk? Ilissi partiisi siornatigut akerleriilluinnarnikuupput.

- Siumumik suleqateqarnerput sianilluannginnerusutut allanik isumaqarfigineqassajunnarsivoq, kisianni nunap karsia allanik aqunneqarsimagaluarpat unatsinnut ajornerusimassagaluartoq isumaqarpunga - assersuutigalugu Partii Naleraq.

Tusarliussinerit pitsaasut
Demokraatit maanna Siumumik qanimut suleqateqarnerat iluarinninnginnermik pilersitsiva?

- Partiip qullersaannit aalajangiinerit, sooq taamatut aalajangiussimanerlugit nassuiarnissaat pikkoriffigisimagaat isumaqarpunga. Neriuppungalu qinersisartut amerlusuut nalussanngikkaat, Demokraatit aningaasanut inatsimmi isumaqatiginninniarnermi peqataasimanngitsuuppata, aningaasanut inatsit akisussaassuseqannginnerussagaluartoq, soorlu amerlanerusunik akitsuusersuisoqarneratigut, Rasmus Dalsgaard Andersen naggasiivoq.

Inuussutissarsiorneq ikiorneruniaraa
Inuusuttoq nuummioq oqaatigineqareersutut 2017-imi kommunimut qinigassanngortissaaq, namminerlu ilungersuussassatut erseqqissaatigai, kommunimik ingerlatsinneq aalajaannerusoq, inuussutissarsiornermut tulluarnerusumik allaffissorneq aammalu inuusuttunut ilinniartunut Nuummi najugaqareersunut inissat.

Atuaruk: Qineqqusaartup nutaap suleqatigiinneq aamma tatiginassuseq qineqqusaarutigai

Atuaruk: Justus Hansen: Siumut suleqatigilluarpara

Assit takukkit: Randi naalakkersuisooqatigiit droninngertaaraat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER