siulittaasumik qinersineq
Justus Hansen: Siumut suleqatigilluarpara
Demokraatini siulittaasunngorniuttoqarpoq. Justus Hansen (D) nassuiaavoq, unammillertiminit Randi Vestergaard Evaldsenimit (D) misilittagaqarnerulluni aammalu Siumumik suleqateqarluarluni
- Partiimi siulittaasuunissannut tulluarpunga.
47-nik ukiulik Justus Hansen, aviisimut Sermitsiamut ullumi tallimanngornermi saqqummertumut taama oqarpoq.
Sivisuumik siulittaasoqanngitsoq
Siulittaasutut atuuffik qaammatit pingasut sinnerlugit matuma siornagut Anda Uldum qasusoornermigut sulinngiffeqarnerata kingorna inuttaaruppoq, kiisalu ukiumi nutaami januaarip 12-ni politikkimit tunuavippoq.
Atuaruk: Naalakkersuisooqatigiit maanna annakannajaarput
Justus Hansenip oqaatiagaa, nammineq Anda Uldumitut Kim Kielsenimik qanimut suleqateqarnissamut piareersimalluni.
– Qinigaassaguma suliassaq taama angitigisoq akisussaaffigissallugu tamaviaarnassaaq.
– Anguniagartuuvungali Kim Kielsenilu oqaloqatigisinnaalluarlugu suleqatigilluaannarsimallugulu, oqarpoq.
Atuaruk: Justus Hansen Demokraatini qaffariarpoq
Atuaruk: Siumup Justus naammagittaalliutigaa
Atuaruk: Sakkunut inatsisit sukaterneqarnissaat nukingisaarutigiga
Nivi Olsen (D) qinersinermi kingullermi nuannarineqarluartoq aamma taasinermi Sara Olsvigimit (IA), Kim Kielsenimit (S) aamma Hans Enoksenimit (PN) taamaallaat anguneqartoq, marlunngormat partiimi siulittaasunngornissani kissaatiginagu saqqummiuppaa.
Atuaruk: Nivi Olsen siulittaasutut qinigassanngortinngilaq
Sermitsiami uani sapaatip-akunnerani saqqummertumi allaaserisaq tamaat atuaruk, taanna ullumi pisiniarfinniilerpoq aamma uani Sermitsiaq.AG-mi uani aaneqarsinnaavoq