Inatsimmut tunngaviusussamut nalunaajaammik nutaamik IA perusuppoq

Inuit Ataqatigiit oqaaseqartartuat, Kelly Berthelsen, partiip oqaaseqaataa aallartiinnarlugu nassueruteqarpoq.

- Najoqqutassiaq atuarluarneqanngilara atuapallaannarnikuugakku, taanna oqarpoq.

Atuaruk: - Ulloq pingaarutilik

Atuapallaannarnikuugaluarluni paasisani aallaavigalugit najoqqutassamik nutaamik piumasaqarpoq.

- Naalakkersuisooqatigiit nutaajuvugut. Anguniakkagukku najoqqutassiamut ilanngunneqartariaqarput, Kelle berthelsen (IA) oqarpoq.

Atuaruk: Tunngaviusumik inatsisiliornissamut ataatsimiititaliaq Inatsisartunit suliaripallanneqartoq

Erngertumik atuutsinneqalissaaq

Tunngaviusumik inatsisissaq Naalakkersuisunit sulissutigineqalereernera Inuit Ataqatigiinnit tapersersorneqarnerarpaa.

Atuaruk: Namminersulernissamut aqqutissat arlallit

Upernaaneranullu ataatsimiinnissamut kinguartitsisoqarnissaanik piumasaqarnersoq Demokraatinit Michael Rosing aperimmat itigartillugu.

Kelly Berthelsenillu inatsit tunngaviusussaq suliarineqalerpat immikkut ataatsimiititaliamik pilersitsisoqassasoq tapersersornerarpaa.